ລັດຖະບານໄທ ມອບເຄື່ອງຊ່ວຍເຫລືອດ້ານການແພດ ຕ້ານໂຄວິດ-19 ໃຫ້ລາວ

ວັນທີ 29 ກັນຍາ 2020 ທີ່ຜ່ານມາ, ຢູ່ກະຊວງການຕ່າງປະເທດໄທ, ທ່ານ ແສງ ສຸຂະຕິວົງ ເອກອັກຄະລັດຖະທູດລາວ ປະຈຳຣາຊະອານາຈັກໄທ ໄດ້ເຂົ້າຮັບເຄື່ອງຊ່ວຍເຫລືອທາງການແພດ ເພື່ອປ້ອງກັນການແຜ່ລະບາດຂອງໂຄວິດ-19 ຈາກລັດຖະບານໄທ ທີ່ມອບໃຫ້ລັດຖະບານລາວ

ອຸປະກອນຊ່ວຍເຫລືອໃນຄັ້ງນີ້ ປະກອບມີ: ເຄື່ອງກວດຫາເຊື້ອໂຄວິດ-19 ແບບຄວາມດັນບວກ ຈຳນວນ 4 ເຄື່ອງ ແລະ ເຄື່ອງກວດອຸນນະພູມອັດຕະໂນມັດ 4 ເຄື່ອງ, ໂດຍເປັນນະວັດຕະກຳເທັກໂນໂລຊີ ຂອງສະຖາບັນພຣະຈອມກ້າວເຈົ້າຄຸນທະຫານລາດກະບັງ.

ພ້ອມນັ້ນ, ສະມາຄົມໄທ-ລາວ ເພື່ອມິດຕະພາບ ແລະ ກົມອາຊີຕາເວັນອອກ ຍັງຈະຈັດຫາເຄື່ອງຊ່ວຍຫາຍໃຈອີກ ຈຳນວນ 10 ຊຸດ ມາມອບໃຫ້ລັດຖະບານ ສປປ ລາວ ໃນອະນາຄົດອັນໃກ້ນີ້

ຂໍຂອບໃຈ: Lao youth radio fm 90.0 mhz

error: ເນື້ອຫາໄດ້ຮັບການປົກປ້ອງ !!