ສານຕັດສິນໂທດສູງສຸດປະຫານຊີວິດ ຄູອານຸບານເຫດວາງຢາເດັກນັກຮຽນ 25ຄົນ ເສຍຊີວິດ 1ຄົນ.

ປະເດັນເລື່ອງຂອງຄວາມຮຸນແຮງໃນໂຮງຮຽນນີ້ແມ່ນເກີດຂຶ້ນໃນປະເທດຈີນ ໄດ້ຮັບການຕັດສິນໂທດສູງສຸດຈາກສານ ວັນທີ່ 28ກັນຍາ 2020ທີ່ຜ່ານມາ ສານລະບຸວ່າຄູອານຸບານລາຍນີ້ມີພຶດຕິກຳທີ່ໜ້າລັງກຽດຫຼາຍ ແລະ ໃຈຄໍໂຫດຫ້ຽມ ສົມຄວນຮັບໂທດປະຫານຊີວິດຈາກການວາງຢາເດັກ 25ຄົນ ເປັນເຫດເຮັດໃຫ້ເດັກນ້ອຍໜຶ່ງໃນນັ້ນຕ້ອງຕາຍ.

ຕົ້ນເຫດມາຈາກການແກ້ແຄ້ນແຕ່ໄປລົງທີ່ເດັກນ້ອຍນັກຮຽນ: ນາງ Wang yun ຄູສອນຫ້ອງອານຸບານໄດ້ໃສ່ໂຊດຽມໄນໄຕລົງໄປໃນອາຫານເຊົ້າຂອງເດັກນ້ອຍ ທີ່ຢູ່ພາຍໃຕ້ການເບິ່ງແຍງຂອງນາຍຄູອີກຄົນໜຶ່ງເພື່ອເປັນການເອົາຄືນຫຼັງຈາກທີ່ມີບັນຫາຖົກຖຽງກັນໃນເລື່ອງຂອງການເບິ່ງແຍງດູແລເດັກນັກຮຽນ. ນາງຈຶ່ງສັ່ງຊື້ໂຊດຽມໄນໄຕຣມາຈາກຕະຫຼາດອອນໄລນ໌ ກ່ອນຈະລົງມືກໍ່ເຫດວັນທີ 27 ມີນາ 2019 ສົ່ງຜົນເຮັດໃຫ້ນັກຮຽນຫຼາຍຄົນອາຈຽນແລະໝົດສະຕິຫຼັງຈາກກິນອາຫານເຊົ້າທີ່ໃສ່ໂຊດຽມໄນໄຕຣລົງໄປ. ນັກຮຽນຄົນໜຶ່ງເຖິງຂັ້ນອາການສາຫັດຕ້ອງນອນປິ່ນປົວຢູ່ໂຮງໝໍ10ເດືອນກ່ອນຈະເສຍຊີວິດ

ຈາກເຫດການດັ່ງກ່າວຕຳຫຼວດກໍ່ເຂົ້າມາສືບສວນໃນເລື່ອງນີ້ພົບວ່າເຂົ້າປຽກເຂົ້າທີ່ເດັກນ້ອຍຮັບປະທານໄປນັັ້ນປົນເປື່ອນສານໂຊດຽມໄນເຕຣດ ວັດຖຸເຈືອປົນອາຫານທີ່ຊ່ວຍປ້ອງກັນ ແລະ ຊ່ວຍບໍ່ໃຫ້ເນົ່າເສຍ ທັງເປັນສ່ວນປະສົມຂອງຍາຂ້າແມງໄມໃນປະລິມານຫຼາຍ

ນີ້ບໍ່ແມ່ນຄັ້ງທຳອິດທີ່ນາງເຮັດແບບນີ້ ເພາະນາງ Wang ເຄີຍໃຊ້ສານດັ່ງກ່າວປະສົມລົງໃນຈອກນ້ຳໃນຜົວນາງດຶ່ມມາແລ້ວໃນປີ 2017 ຫຼັງຈາກທີ່ມີບັນຫາກັນພາຍໃນຄອບຄົວ ສາມີຂອງນາງກໍ່ມີອາການບາດເຈັບຈາກການດື່ມນ້ຳຈອກດັ່ງກ່າວ.
ທາງສານໄດ້ລະບຸເພີ່ມເຕີມວ່ານາງ Wang ແລະ ທາງໂຮງຮຽນອານຸບານຄວນຈ່າຍຄ່າຊົດເຊີຍທາງແພ່ງໃຫ້ກັບຜູ້ເສຍຫາຍທັງໝົດອີກດ້ວຍ

error: ເນື້ອຫາໄດ້ຮັບການປົກປ້ອງ !!