ສາຍການບິນ Virgin Australia ລົ້ມລະລາຍ ຫຼັງບິນຝ່າວິກິດໄວຣັສບໍ່ໄຫວ

ມົນ​ລະສຸມ​ລູກ​ໃຫຍ່​ໃນ​ອຸດສາຫະກຳ​ການ​ບິນ​ທີ່​ເກີດ​ຈາກ​ການ​ລະ​ບາດ​ຂອງ​ໄວ​ຣັສ Covid-19 ຍັງ​ບໍ່​ຜ່ານ​ໄປ ແລະ ​ຕອນ​ນີ້​ເປັນ​ສາຍ​ການ​ບິນ​ອັນ​ດັບ 2 ຂອງ​ Australia ​ທີ່​ຕ້ອງ​ຂໍ​ຄວາມ​ຊ່ວຍ​ເຫລືອ

ສາຍ​ການ​ບິນ Virgin Australia ຖະແຫລ່ງ​ວ່າ​ກຳ​ລັງ​ລົ້ມ​ລະ​ລາຍ​ຫຼັງ​ບໍ່​ສາມາດຕໍ່ການ​ບິນ​ໄດ້​ຕາມ​ປົກກະຕິ​ຈາກ​ສະຖານນະການ​ລະ​ບາດ ແລະ ​ຍິນຍອມ​ໃຫ້ Deloitte ບໍລິສັດ​ທີ່​ປຶກ​ສາ​ດ້ານ​ການ​ບໍລິຫານ​ຈັດການ ເຂົ້າ​ມາ​ປັບ​ໂຄງ​ສ້າງ ພ້ອມ​ຫາ​ບໍລິສັດ​ທີ່​ຈະ​ເຂົ້າ​ມາ​ຊື້​ກິດຈະການ​ເພື່ອ​ໃຫ້​ພົ້ນ​ຈາກ​ວິກ​ີດ​ເທື່ອ​ນີ້

ການ​ຕັດ​ສິນ​ໃຈ​ດັ່ງ​ກ່າວ​ຂອງ Virgin Australia ມີ​ຂຶ້ນ​ຫຼັງ​ລັດຖະບານ Australia ​ບໍ່​ອະ​ນຸ​ມ​ັດ​ເງີນ​ກູ້​ກ້ອນ​ໃຫຍ່​ມູນ​ຄ່າ 888 ລ້ານ ສະຫາລັດ (ຫຼືປະມານ 7,945,301 ລ້ານກີບ) ໃຫ້ Virgin Australia ນຳ​ໄປ​ແກ້​ໄຂ​ບັນຫາ​ໜີ້​ສະ​ສົມ​ແລະ​ຂາດ​ສະພາບ​ຄ່ອງ

ແມ່ນ​ມີກ​ະ​ແສ​ຮຽກ​ຮ້ອງ​ໃຫ້​ລັດຖະບານ​ຢືນ​ມື​ເຂົ້າ​ມາ​ຊ່ວຍ ເພື່ອ​ບໍ່​ໃຫ້​ພະ​ນັກ​ງານ Virgin Australia ນັບ​ໝື່ນ​ຄົນ​ຕ້ອງ​ຕົກ​ງານ

ສຳລັບ Virgin Australia ເປັນ​ສາຍ​ການ​ບິນ​ໃນ​ກຸ່ມ​ທຶນ​ກິດຈະການ​ບິນ​ຂອງ Virgin Group ແລະ​ ເປັນ​ສາຍ​ການ​ບິນ​ທີ່​ໃຫຍ່​ເປັນ​ອັນ​ດັບ​ສອງ​ຂອງ Australia ​ຮອງ​ຈາກ Qantas ກວມ​ສ່ວນ​ຕະ​ລາດ​ເສັ້ນ​ທາງ​ບິນ​ໃນ​ປະເທດ​ຢູ່​ທີ່ 31%

Virgin Australia ກໍ່​ຕັ້ງ​ເມື່ອ​ປີ 2000 ແລະ​ ມີ​ອີກ 4 ບໍລິສັດ​ທີ່​ຖື​ຫຸ້ນ​ຢູ່ ໃນ​ຈຳນວນ​ນີ້​ມີ​ສາຍ​ການ​ບິນ Singapore Airlines ແລະ Etihad Airways ທັງໝົດ​ຢູ່​ນຳ ໂດຍ​ມີພະນັກ​ງານ​ຢູ່​ປະມານ 16,000 ຄົນ ແລະ ​ມີ​ເຮືອບິນຢູ່ 130 ລຳ

ສ່ວນ​ໃນ​ກໍລະນີ​ທີ່ Virgin Australia ບໍ່​ຟື້ນ​ຈາກ​ວິກິດເທື່ອ​ນີ້ ​ແລະ​ ຕ້ອງ​ປິດ​ໂຕ​ໄປ ຈະ​ເຮັດໃຫ້​ທຸລະກິດ​ສາຍ​ການ​ບິນ​ຂອງ​ Australia  ມີສາຍການບິນ​ຜູກ​ຂາດ ໂດຍ​ມີ Qantas ເປັນ​ການ​ສາຍ​ການ​ບິນ​ໃຫຍ່​ພຽງ​ຜູ້​ດຽວ

ທີ່ມາ: ap ,bbc ,abc, Marketeer

ຮຽກຮຽງໂດຍ: Suelao.com