ຮູ້ໄວ້ 5 ຂໍ້​ບໍ່​ຄວນ​ໂພສ​ເທິງ Facebook

ວັນເດືອນເກີດ​ຕົວ​ເອງ/ລາຍ​ຊື່​ຄອບຄົວ ເຫລົ່າ​ມິດ​ສາ​ຊີບ​ມັກ​ມີ​ເຄື່ອງ​ມື​ສ່ວນ​ຕົວ​ສຳລັບ​ຄັດ​ລອກ​ຂໍ້​ມູນ ໂດຍ​ໃຊ້ Facebook ເປັນ​ຊ່ອງ​ທາງ​ລັກ​ຢ່າງ​ສະ​ດວກ ເລີ່ມ​ຈາກ​ແຮກ​ແອກ​ເຄົ້າ (ອາດ​ໃຊ້​ໂປ​ແກມ​ຫລື​ແຝງ​ຕົວ​ໃຊ້​ງານ​ຫາກ​ເຮົາ​ລືມ Log Out) ເພື່ອ​ເບິ່ງ​ຂໍ້​ມູນ​ວັນເດືອນ​ປີ​ເກີດ​ຂອງ​ເຈົ້າ​ແລະ​ຄົນ​ໃກ້​ຕົວ, ເບິ່ງ​ປະຫວັດ​ການ​ຄົ້ນ​ຫາ​ໃນ Facebook ແລະອື່ນໆ ແລ້ວ​ລັກ​ຕົວ​ຕົນ​ໄປ​ຢືນຢັນ​ສິດ​ທິ​ຕ່າງໆ​ເທິງ​ໂລກ​ອອນ​ໄລ​ງ່າຍ​ຂຶ້ນ ຫາກ​ໃຜ​ຄິດວ່າ​ການ​ບອກ​ວັນ​ເກີດ​ຈະ​ຊ່ວຍ​ໃຫ້​ເພື່ອນ​ເຂົ້າ​ມາ​ອວຍພອນ​ຫລາຍໆລອງ​ປ່ຽນດວ່ນ

ຊື່​ແທ້ ນາ​ມສະ​ກຸນ​ຈິງ ຈາກ​ຂໍ້​ທຳອິດ ຖ້າ​ຮູ້​ວັນ​ເດືອນ​ປີ​ເກີດ​ໃຜໆ​ກໍເກິດ​ຊ້ຳ​ກັນ​ໄດ້ ແຕ່​ຖ້າ​ຮູ້​ຊື່​ກັບ​ນາ​ມສະກຸນ​ແທ້ ໂອ​ກາດ​ລັກ​ຕົວ​ຕົນ​ຈະ​ຍິ່ງ​ສູງ​ຂຶ້ນ

ສະຖານ​ະ “ໂສດ”, “ບໍ່​ໂສດ” ຊ່ວງ​ທຳອິດຂອງ​ຮັກ ​ນ້ຳ​ຕົ້ມ​ຜັກ​ຍັງ​ວ່າ​ຫວານປ່ຽນ​ສະຖານ​ະ relationship ແຕ່​ເມື່ອ​ໄດ​ຮັກ​ຂົມ​ກັບ​ມາ​ໃຊ້​ສະ​ຖາ​ນະ​ໂສດ​ອີກ​ເທື່ອ ນອກ​ຈາກ​ເພື່ອນ​ຊ້ຳ​ແລ້ວ​ຍັງ​ເຈີ​ພວກ​ບໍ່​ຫວັງ​ດີ​ສວຍ​ໂອ​ກາດ​ຕິດ​ຕາມ ແລະ ​ລໍ​ເວລາ​ຕອນ​ຢູ່​ຄົນ​ດຽວ​ໄດ້​ງ່າຍໆ ດັ່ງ​ນັ້ນ​ທາງ​ອອກ​ທີ່​ດີ​ເຂົ້າໄປ​ຕັ້ງ​ຄ່າ relationships ໃຫ້ເປັນ only me ຈະ​ດີ​ທີ່ສຸດ ເພາະ​ທີ່​ໜ້າ​ຢ້ານ​ບໍ່ແມ່ນ​ໃຜ​ຢູ່ໃສ ເປັນ​ແຟນ​ເກົ່າ​ຂອງ​ເຮົາ​ນີ້​ເອງ ຫາກ​ໃຜ​ໄດ້​ນຳ​ຂ່າວ​ໜຸ່ມ​ໄວ 17 ປີ​ຖືກ​ບອກ​ເລີກ ແຄ້ນ​ແຟນ​ສາວ​ອາຍຸ 15 ປີ ສະ​ກົດ​ຮອຍ​ຕາມ​ຈາກ Facebook ແລ້ວ​ບຸກ​ຂ້າ​ຢ່າງ​ເລືອດ​ເຢັນ ຄົງ​ຕ້ອງ​ຫັນ​ມາ​ເບິ່ງ​ຖາ​ນະ​ຂອງ​ຕົວ​ເອງ​ນຳ​ແນ່

ແທັກ​ທີ່​ຢູ່​ປະຈຸບັນ ຫາກ​ສະຖານນະການ​ເລີ່ມ​ຄຸມ​ເຄືອ​ຄື​ໃນ​ຂໍ້​ທີ່ 3 ຫລື​ກຳ​ລັງ​ບໍ່​ໄວ້​ວາງ​ໃຈ​ໃຜ​ກໍ​ຕາມ ສິ່ງ​ທຳອິດ​ທີ່​ເຫັນ​ແຈ້ງ​ຈາກ​ກໍລະນີ​ສະ​ກົດ​ຮອຍ​ນຳ​ແຟນ​ເກົ່າ​ຈາກ Facebook ນັ້ນສະແດງ​ໃຫ້​ເຫັນ​ວ່າ​ມີ​ການ​ເປີດ​ໂລ​ເຄ​ຊັ່ນ ເຊັ່ນ ໂພດ​ຮູບ, ເຊັກ​ອິນແລ້ວ​ແທັກ​ຕຳແໜ່ງ​ປະຈຸບັນ​ໄວ້​ຮຽບຮ້ອຍ ແຕ່​ຖ້າ​ໃຜ​ໝັ່ນໃຈ​ວ່າ​ແທັກ​ໄດ້​ບໍ່​ມີ​ບັນຫາ​ກໍ​ບໍ່​ວ່າ​ກັນ​ ແຕ່​ຕ້ອງ​ລະ​ວັງ​ນິດ​ນຶງ! ຍິ່ງ​ຊ່ວງ​ເທດສະການ​ຫລື​ມີ​ໃຜ​ຮູ້​ວ່າ​ເຮົາ​ຢູ່​ຄົນ​ດຽວ​ຈະ​ເປັນ​ການ​ເປີດ​ໂອ​ກາດ​ທາງ​ອ້ອມ​ໃຫ້ ໂຈນຕີ​ແບບ​ບໍ່​ຮູ້​ຕົວ

ຢູ່​ເຮືອນ​ຄົນ​ດຽວ​ ປະ​ເດັນ​ສຸດ​ທ້າຍ​ໜັກ​ກວ່າ​ແທັກ​ທີ່​ຢູ່​ປະຈຸບັນ​ອີກ ​ບອກ​ໄປ​ເລີຍ​ກົງ​ໆ “​ຢູ່​ເຮືອນ​ຄົນ​ດຽວ” ເຮົາ​ອາດ​ຕ້ອງ​ການ​ສື່​ໃຫ້​ຮູ້​ວ່າ​ເຫງົາ ອິດສາ​ຄົນ​ໄດ້​ໄປ​ທ່ຽວ ​ແລະອື່ນໆ ແຕ່​ນັ້ນ​ເປັນ​ການ​ບອກຄົນບໍ່ຫວັງດີ ຍິ່ງ​ເປັນ​ຜູ້ຍິງ​ຍິ່ງ​ບໍ່​ຄວນ​ໂພດ​ແບບ​ນີ້ ດ໋ຽວ​ຈະມີໃຜບາງຄົນໄປ​ຫາ​ໄດ້​ງ່າຍໆ​

error: ເນື້ອຫາໄດ້ຮັບການປົກປ້ອງ !!