ຣັດເຊຍ ຈະສົ່ງຢາປິ່ນປົວໂຄວິດ-19ໃຫ້ອີກ 17ປະເທດ

ຕາມ​ຂ່າວ​ຈາກ​ ມົດ​ສະ​ກູ, ວັນທີ24ກັນຍານີ້, ກອງ​ທຶນ​ ຄວາມ​ໝັ້ນຄົງ ​ແຫ່ງ​ຊາດ ​ຂອງຣັດ​ເຊຍ ​ແລະ ​ເຄມຣາ(ChemRar) ບໍລິສັດ​ຢາ ​ແລະ ​ເຕັກ​ໂນ​ໂລ​ຊີ ຊີວະ​ພາບ​ ຂອງ​ຮັດ​ເຊຍ ຈະ​ຈັດ​ສົ່ງ​ອາ​ວີ​ຟາ​ເວ​ຍ (Avifavir)ຢາ​ປິ່ນປົວ​ໂຄ​ວິດ-19 ​ໃຫ້​ອີກ 17 ປະ​ເທດ ຫລັງ​ຈາກ ​ສົ່ງ​ໄປ​ແລ້ວ 6 ປະ​ເທດ ປະກອບ​ມີ:

ເບ​ລາຣຸດຊີ, ​ໂບລີ​ວີ,ກາ​ຊັກ​ສະຖານ,ກຽກກິດ​ສະຖານ,ຕວັກ​ເມ​ນິດ​ສະຖານ ​ແລະ ອຸດ​ສະ​ເບ ​ກິດ​ສະຖານ ຫລັງ​ຈາກ ກະຊວງ​ສາທາລະນະ​ສຸກ ຣັດ​ເຊຍ ອະນຸມັດ ​ໃຫ້​​ໃຊ້​ຢາ​ ຊະນິດ​ນີ້ ​ເມື່ອ​ເດືອນ​ພຶດສະພາ ພັດທະນາ​ມາ​ຈາກ ຟາ​ວິ​ພີຣາ​ເວ​ຍ ​ເປັນ​ຢາ ​ຕ້ານ​ເຊື້ອ​ພະຍາດ ທີ່​ພັດທະນາ ​ແລະ ​ໃຊ້​ຢ່າງ​ກວ້າງຂວາງ​ ໃນ​ຍີ່ປຸ່ນ ກອງ​ທຶນ​ ລົງທຶນ​ໂດຍ​ກົງ ຣັດ​ເຊຍ ຫລື ອາ​ດີ​ໄອ​ເອຟ(RDIF) ທີ່​ເປັນ​ກອງ​ທຶນ​

ຄວາມ​ໝັ້ນຄົງ ​ແຫ່ງ​ຊາດ​ຂອງ​ລັດຖະບານຣັດ​ເຊຍ ຈາກ​ຜົນ​ການ​ທົດ​ລອງ​ ທາງ​ຄລີ​ນິກ ​ໃນຣັດ​ເຊຍ ​ແລະ ຍີ່ປຸ່ນ ຢືນຢັນ​ວ່າ: ມີ​ປະສິດທິພາບ ​ໃນ​ການ​ຮັກສາ​ ຜູ້​ຕິດ​ເຊື້ອ​ໂຄ​ວິດ-19 ​ແລະ ມີ​ລາຄາ​ຖືກ​ວ່າ ​ເຣມ​ເດ​ຊີ​ເວ​ຍ ຂອງ​ກີ​ລີດ ​ໄຊ​ເອີນ(Remdecivier of Gilead Science)​ຂອງ ສ.ອາ​ເມ​ລິ​ກາ 3-4 ​ເທົ່າ.

ສຳລັບ​ ປະ​ເທດ ​ທີ່​ຈະ​ໄດ້​ຮັບ ​ຢາ​ປິ່ນປົວ​ນີ້​ ເພີ່ມ​ອີກ 17ປະເທດ ​ປະກອບ​ມີ:​ອາກຊັງ​ຕິນ,ບູນກາລີ, ບຣາຊິນ,​ເອກ​ວາ​ດໍ,​ຊີ​ເລ​,​ໂກ​ໂລມ​ບີ,​ແອນ​ຊານ​ວາ​ດໍ,ຮົງ​ດູຣັດ,ກູ​ເວດ,ປາ​ນາມາ, ປຣາກວາ​ຍ, ອາຣັບບີ ຊາ​ອຸ​ດິດ,​ແຊກ​ບີ,​ສະ​ໂລ​ວາກ​ີ, ອາ​ຟຣິກາ​ໃຕ້, ສະຫະ​ນະຄອນ ​ເອ​ເມ​ເຣັດອາຣັບ ​ແລະ ອູຣຸກວາ​ຍ.

ຮຽບຮຽງ​ຂ່າວ​ໂດຍ ສະ​ໄຫວ

error: ເນື້ອຫາໄດ້ຮັບການປົກປ້ອງ !!