ກະຊວງການເງິນ ທາບທາມບຸກຄະລາກອນ ຮອບ II

ໃນວັນທີ 24 ກັນຍາ 2020 ກະຊວງການເງິນ ຈັດກອງປະຊຸມທາບທາມບຸກຄະລາກອນ ຄະນະບໍລິຫານງານພັກ ກະຊວງການເງິນ ຮອບ II ໂດຍເປັນປະທານຂອງ ສະຫາຍ ສົມດີ ດວງດີ ກຳມະການສູນກາງພັກ ເລຂາຄະນະພັກ ຮອງນາຍົກລັດຖະມົນຕີ ລັດຖະມົນຕີ ກະຊວງການເງິນ, ມີຮອງເລຂາຄະນະພັກ ຄະນະບໍລິຫານງານພັກ ຜູ້ຕາງໜ້າຈາກຄະນະຈັດຕັ້ງສູນກາງພັກ ແລະ ສະມາຊິກພັກສົມບູນເຂົ້າຮ່ວມ.

ໃນໂອກາດນີ້, ສະຫາຍ ສົມດີ ດວງດີ ໄດ້ຜ່ານຮ່າງບົດລາຍງານການເມືອງຂອງຄະນະພັກກະຊວງການເງິນໂດຍຫຍໍ້ ເປັນຕົ້ນ ແມ່ນ ການປັບປຸງດ້ານເນື້ອໃນຂອງຮ່າງ ເອກະສານລາຍງານການເມືອງ ຂອງອົງຄະນະພັກກະຊວງການເງິນ ໃຫ້ຄົບຖ້ວນສົມບູນເພື່ອໃຫ້ມີຄວາມຖືກຕ້ອງ ສອດຄ່ອງກັບສະພາບຄວາມເປັນຈິງຂອງວຽກງານຕ່າງໆ ຂອງກະຊວງການເງິນ ເພື່ອນໍາໄປສະເໜີໃນກອງປະຊຸມໃຫຍ່ຂອງອົງຄະນະພັກກະຊວງການເງິນ ຄັ້ງທີ III ທີ່ຈະຈັດຂຶ້ນໃນມໍ່ໆນີ້ ໂດຍສະເພາະ ຄາດໝາຍສູ້ຊົນການຈັດຕັ້ງປະຕິບັດ ມະຕິກະກອງປະຊຸມໃຫຍ່ ຄັ້ງທີ III ໃນ 5 ປີ ຕໍ່ໜ້າ

ໃຫ້ມີຄວາມລະອຽດຄົບຖ້ວນຈະແຈ້ງ. ນອກຈາກນີ້, ຍັງໄດ້ສະຫລຸບຕີລາຄາການຈັດຕັ້ງ ປະຕິບັດມະຕິກອງປະຊຸມໃຫຍ່ຄັ້ງທີ II ຂອງອົງຄະນະພັກ ກະຊວງການເງິນໄລຍະ 5 ປີ (2016-2020) ໃຫ້ມີຜົນສຳເລັດຫລາຍດ້ານ ເປັນຕົ້ນແມ່ນເຜີຍແຜ່, ເຊື່ອມຊຶມ ບັນດາແນວທາງນະໂຍບາຍຂອງພັກ, ມະຕິ, ຄໍາສັ່ງ, ລະບຽບກົດໝາຍຂອງລັດ ເປັນຕົ້ນມະຕິ 7, 8 ແລະ 9 ສະໄໝທີ X ແລະ ມະຕິອື່ນໆ ແນໃສ່ໃຫ້ສະມາຊິກພັກ ໄດ້ກໍາແໜ້ນຮັບຮູ້ ແລະ ເຂົ້າໃຈຢ່າງເລີກເຊິ່ງ

ເພື່ອແນໃສ່ຍົກສູງຄຸນທາດການເມືອງ ຄຸນສົມບັດສິນທໍາປະຕິວັດ ແລະ ເສີມຂະຫຍາຍຄວາມຮູ້ ຄວາມສາມາດຂອງສະມາຊິກພັກ-ພະນັກງານໃຫ້ດີຂຶ້ນ. ນອກຈາກນີ້, ກອງປະຊຸມຍັງຜ່ານຮ່າງ ບົດສໍາຫລວດການນໍາພາລວມ ຂອງຄະນະບໍລິຫານງານພັກກະຊວງ ຜ່ານມາດຖານເງື່ອນໄຂບຸກຄະລາກອນ ຜູ້ທີ່ຈະສະໝັກຮັບເລືອກຕັ້ງ ໃນຄະນະບໍລິຫານງານພັກຊຸດໃໝ່ ແລະ ໄດ້ດໍາເນີນການປ່ອນບັດທາບທາມ

ບຸກຄະລາກອນຄະນະບໍລິຫານງານພັກກະຊວງການເງິນ ຮອບ II ເພື່ອເລືອກເຟັ້ນເອົາຄະນະບໍລິຫານງານພັກ ຜູ້ມີຄວາມຮູ້ຄວາມສາມາດ ແລະ ມີເງື່ອນໄຂມາດຖານຢ່າງຄົບຖ້ວນ.

error: ເນື້ອຫາໄດ້ຮັບການປົກປ້ອງ !!