ສຸດສະເທືອນໃຈ ພຽງເພາະຢາກໄດ້ລູກຊາຍ ພໍ່ເອົາຍາລ້າງຫ້ອງນໍ້າໃຫ້ລູກສາວອາຍຸພຽງ 6 ມື້ກີນ ຕາຍຢ່າງອາໜາດ

ເມື່ອເວລາ 18:00 ຂອງວັນທີ່ 23 ເດືອນ ກັນຍາ ປີ 2020 ຊຸດສືບສວນ ຊ້າງເຜືອກຈັບກຸມໂຕທ້າວ ອານຸພາບ ໃຈປັນຍາ ອາຍຸ 45 ປີ ທີ່ເມືອງຊຽງໃໝ່ ປະເທດໄທ ເນື່ອງຈາກພັນລະຍາຂອງລາວໄດ້ແຈ້ງກັບຕຳຫຼວດວ່າ ທ້າວ ອານຸພາບ ໄດ້ຂ້າລູກສາວຂອງຕົນທີ່ອາຍຸໄດ້ພຽງ 6 ມື້ ໂດຍການໃຫ້ກີນຍາລ້າງຫ້ອງນໍ້າ ແລ້ວ

ເມື່ອຕຳຫຼວດນຳທີມໄປສືບສວນ ທ້າວ ອານຸພາບ ກໍ່ປະຕິເສດທຸກຂໍ້ຫາ ບອກວ່າລູກສາວຫາຍໂຕໄປເອງ ຄາດວ່າໜ້າຈະຖືກແກ໋ງຄ້າເດັກລັກໂຕໄປ ຫຼັງຈາກນັ້ນຕຳຫຼວດກໍ່ສອບປາກຄຳຢ່າງລະອຽດຈົນທ້າວ ໄຊປັນຍາ ຍອມສາລະພາບວ່າເປັນຄົນຂ້າລູກສາວຂອງໂຕເອງແທ້

ຈາກການສືບສວນທ້າວ ອານຸພາບ ເຮັດອາຊີບຄ້າຂາຍກິບຊອ໋ບເປັນຄົນເຊື້ອສາຍຈີນຈາກບັນພະບູລຸດ ມີລູກສາວແລ້ວ 2 ຄົນ ແລະຕ້ອງການຢາກມີລູກຊາຍຫຼາຍ ເພື່ອມາສືບເຊື້ອສາຍວົງຕະກຸນ ຄິດວ່າຈະໄປປຶກສາໝໍເຮັດກິບ ແຕ່ບັງເອີນພັນລະຍາມາມີລູກກ່ອນ ແລະ ອອກມາເປັນລູກສາວ

ສ້າງຄວາມຜິດຫວັງໃຫ້ກັບລາວຫຼາຍຈື່ງເຮັດໃຫ້ລາວເກີດພາວະຄຽດ ແລະ ຈົ່ມກັບຄົນໃນຄອບຄົວຕະຫຼອດວ່າລູກສາວບໍ່ໜ້າຈະເກີດມາເລີຍ ປະກອບກັບທຸລະກິດປະສົບປັນຫາກັບການແຜ່ລະບາດຂອງໄວຣັສໂຄວິດ-19 ຈື່ງຄິດສັ້ນອູ້ມລູກສາວຂື້ນລົດແລ້ວຂີ່ອອກຈາກບ້ານໄປ ແລະ ເອົານໍ້າຍາລ້າງຫ້ອງນໍ້າໃຫ້ກີນຈົນໝົດຂວດ ກ່ອນທີ່ລູກຈະຕາຍແລ້ວເອົາໄປຝັງດິນ ເພື່ອອຳພາງຄະດີ.

error: ເນື້ອຫາໄດ້ຮັບການປົກປ້ອງ !!