ຄວາມຈິງ ເຫດເດັກນ້ອຍບໍ່ແມ່ນລັກພາຕົວ

ຕໍ່ກັບເຫດການທີ່ແມ່ເດັກນ້ອຍ ໄດ້ໂພດຮູບ ແລະ ຂໍ້ຄວາມປະກາດຫາລູກສາວ ອາຍຸ 8 ປີ ຊື່ນາງ ກະວິຕາ ສີລາເພັດ (ນານ່າ) ນັກຮຽນໂຮງຮຽນປະຖົມ ບ້ານໂຊກນ້ອຍ ເມືອງໄຊເສດຖາ ນະຄອນຫຼວງວຽງຈັນ ຫາຍຕົວໄປຈາກໂຮງຮຽນ

ໃນວັນທີ 08 ກັນຍາ 2020, ເວລາ 16:00 ໂມງລົງໃນສື່ອອນລາຍ ເຮັດໃຫ້ປະຊາຊົນຈໍານວນໜຶ່ງເຂົ້າໃຈຜິດຄິດວ່າເປັນການລັກພາຕົວເດັກນ້ອຍ; ແຕ່ຄວາມຈິງແລ້ວເຫດການດັ່ງກ່າວບໍ່ແມ່ນເປັນການລັກພາຕົວ.

ເຈົ້າໜ້າທີ່ກໍ່ສ້າງຮາກຖານ ປກສ ນະຄອນຫຼວງວຽງຈັນ ສົມທົບກັບ ປກສ ເມືອງໄຊເສດຖາໄດ້ລົງກວດກາ ແລະ ສອບຖາມຕົວຈິງ ຈຶ່ງຮູ້ວ່າ: ໃນວັນທີ 08 ກັນຍາ 2020, ເວລາປະມານ 16:00 ໂມງ ໄດ້ມີທ້າວ ໂອເລ້ ອາຍຸ 34 ປີ, ອາຊີບຄ້າຂາຍ, ຢູ່ບ້ານໂຊກນ້ອຍ ເມືອງໄຊເສດຖາ ນວ, ໄດ້ໄປຮັບລູກຊາຍ ຢູ່ໂຮງຮຽນດັ່ງກ່າວ ແລ້ວໄດ້ຮັບເອົານາງ ກະວິຕາ ສີລາເພັດ (ນານ່າ) ອາຍຸ 8 ປີ ກັບໄປນໍາ ແລ້ວໄດ້ພາໄປຫຼິ້ນຕະຫຼາດນໍາຄອບຄົວຕົນ.

ເພາະທັງສອງຄອບຄົວແມ່ນເຮືອນຢູ່ໃກ້ກັນ ແລະ ຮັກແພງກັນດີ; ເຊິ່ງກ່ອນໄປຮັບຕົນໄດ້ໂທຫາແມ່ຂອງຜູ້ກ່ຽວຊື່ ນາງ ໜູກອນ (ແມ່ຂອງເດັກ) ແຕ່ຜູ້ກ່ຽວບໍ່ໄດ້ຮັບໂທລະສັບ. ພໍຮອດເວລາປະມານ 18:00 ໂມງຕົນ ແລະ ຄອບຄົວ ພ້ອມນາງ ນານ່າ ຈຶ່ງໄດ້ພາກັນກັບມາບ້ານ ແລ້ວພາຜູ້ກ່ຽວມາສົ່ງຢູ່ເຮືອນ.

error: ເນື້ອຫາໄດ້ຮັບການປົກປ້ອງ !!