ປະຊາຊົນຈໍານວນຫຼາຍພາກັນຫຼັ່ງໄຫຼ ໄປຮັບເອົາເຄື່ອງຂອງແຈກຈາກ ບໍລິສັດ ສີສົມບັດ ເຊົ່າສິນເຊື່ອ

ວັນທີ 15/04/2020 ທີ່ບ້ານດອນແດງ ເມືອງຈັນທະບູລີ ນະຄອນຫຼວງວຽງຈັນ
ໃນສະພາບທີ່ ປະເທດເຮົາກຳລັງພົບບັນຫາຫຍຸ້ງຍາກກ່ຽວກັບການລະບາດຂອງ ພະຍາດ ໂຄວິດ-19 ນີ້, ບັນດາບໍລິສັດ, ຫ້າງ, ຮ້ານ, ບຸກຄົນ ແລະ ພາກສ່ວນຕ່າງໆໃນສັງຄົມ ຕ່າງກໍໄດ້ມີຈິດໃຈເອື້ອເຟື້ອເຜື່ອແຜ່ດ້ວຍການແຈກຢາຍເຄື່ອງອຸປະໂພກ-ບໍລິໂພກຕ່າງໆໃຫ້ແກ່ມວນຊົນ, ເຊິ່ງການແຈກຢາຍນັ້ນແຕ່ລະພາກສ່ວນກໍມີວິທີການແຈກຢາຍທີ່ແຕກຕ່າງກັນ.

ແຕ່ບາງຄັ້ງກໍອາດຈະບໍ່ສອດຄ່ອງກັບການປະຕິບັດຕາມຄຳສັ່ງເລກທີ 06/ນຍ ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານໂຄວິດ-19 ໂດຍສະເພາະແມ່ນການຫ້າມບໍ່ໃຫ້ອອກຈາກບ້ານ, ບໍ່ໃຫ້ມີການໂຮມຊຸມນຸມທີ່ມີຄົນເປັນຈຳນວນຫລາຍ ເຊິ່ງຈະມີຄວາມສ່ຽງຕໍ່ການຕິດເຊື້ອໄດ້.

ກໍລະນີ ທີ່ບໍລິສັດ ສີສົມບັດ ເຊົ່າສິນເຊື່ອ ໄດ້ປະກາດແຈກຢາຍເຂົ້າສານ-ອາຫານແຫ້ງໃຫ້ແກ່ປະຊາຊົນໃນມື້ນີ້, ເຊິ່ງກຳລັງກາຍເປັນກະແສຢູ່ໃນສື່ສັງຄົມອອນລາຍປັດຈຸບັນ ແລະ ກໍມີຫລາຍຄຳຄິດຄຳເຫັນທີ່ໄດ້ສະແດງຄວາມຍ້ອງຍໍຊົມເຊີຍຕໍ່ຄວາມມີນໍ້າໃຈຂອງບໍລິສັດດັ່ງກ່າວ ແຕ່ວິທີການແຈກຢາຍນັ້ນອາດຈະບໍ່ເໝາະສົມ, ຄວນໃຫ້ອຳນາດການປົກຄອງບ້ານ ແລະ ພາກສ່ວນກ່ຽວຂ້ອງເຂົ້າມາມີສ່ວນຮ່ວມໃນການຈັດລະບຽບ ຫລື ຜູ້ທີ່ຈະມາເອົານັ້ນ ກໍຄວນມີວິທີການເພື່ອປ້ອງກັນຕົນເອງ ເຊັ່ນ: ໃສ່ຜ້າອັດປາກ, ອັດດັງ, ການຮັກສາໄລຍະຫ່າງ ແລະ ວິທີການປ້ອງກັນອື່ນໆທີ່ເໝາະສົມ.

error: ເນື້ອຫາໄດ້ຮັບການປົກປ້ອງ !!