ຫວຽດນາມພົບໂຄວິດເປັນ 2 ສາຍພັນ

ສຳນັກຂ່າວຊິນຫົວລາຍງານ ເມື່ອວັນທີ 6 ເມສາ 2020 ວ່າ ຫວຽດນາມນິວ (Vietnam News) ຫນັງສືພິມທ້ອງຖິ່ນຫວຽດນາມ ເຜີຍແຜ່ຂ່າວວ່າຄະນະນັກວິໄຈຂອງຫວຽດນາມພົບວ່າໄວຣັດໂຄໂຣນາສາຍພັນໃຫ່ມ ຫລືໂຄວິດ-19 ນັ້ນ ມີວິວັດທະນາການແລ້ວ ແລະແບ່ງອອກເປັນ 2 ກຸ່ມ ຕາມທີ່ພົບໃນຫວຽດນາມ

ຫນັງສືພິມລະບຸເຖິງຄຳກ່າວຂອງທ່ານເລຖິ-ກວິ່ນມາຍ (Le Thi Quynh Mai) ຮອງຜູ້ອຳນວຍການສະຖາບັນອານາໄມ ແລະລະບາດວິທະຍາແຫ່ງຊາດຂອງຫວຽດນາມ (NIHE) ວ່ານັກວິໄຈພົບວ່າເຊື້ອໄວຣັດໂຄໂຣນາທີ່ເກັບຈາກຜູ້ຕິດເຊື້ອພະຍາດໂຄວິດ-19 ທີ່ເດີນທາງມາຈາກຢູໂຣບ ມີຄວາມແຕກຕ່າງຈາກເຊື້ອໂຄວິດ-19 ໃນຄົນເຈັບທີ່ພົບໃນເອເຊຍ

ທ່ານອະທິບາຍຕື່ມວ່າການສຶກສາຂອງສະຖາບັນ ບໍ່ໄດ້ລະບຸວ່າກຸ່ມໃດໃນສອງກຸ່ມດັງກ່າວທີ່ແຜ່ເຊື້ອໄດ້ຫລາຍກວ່າກັນ ເນື່ອງຈາກການແຜ່ກະຈາຍຂອງໄວຣັດຂື້ນຢູ່ກັບສະພາບແວດລ້ອມ ພູມມີສາດ ແລະໂຕຜູ້ຕິດເຊື້ອ ຂະນະທີ່ການກວດພົບຄວາມປ່ຽນແປງຂອງໄວຣັດນີ້ຈະຊ່ວຍໃນການຜະລິດວັກຊີນໄດ້

ທັງນີ້ ເມື່ອນັບເຖິງຊ່ວງຄ່ຳວັນຈັນ ຫວຽດນາມຢືນຢັນວ່າມີຍອດຜູ້ຕິດເຊື້ອໂຄວິດ-19 ຢູ່ທີ່ 245 ຄົນ ແລະຈົນເຖິງຂະນະນີ້ຍັງບໍ່ມີລາຍງານຜູ້ເສຍຊີວິດ

error: ເນື້ອຫາໄດ້ຮັບການປົກປ້ອງ !!