ພົບແລ້ວ ສົບເດັກນ້ອຍຊາຍ 8 ປີ ຈົມນ້ຳຢູ່ບ້ານປາກຊາບໃໝ່ ເມືອງໄຊທານີ

ລາຍງານ 1623 ແຈ້ງໃຫ້ຮູ້ວ່າ ໃນວັນທີ 19/07/2020 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ 1623 ໄດ້ສົມທົບກັບອຳນາດການປົກຄອງບ້ານປາກຊາບໃຫມ່ແລະຄອບຄົວ ແມ່ນໄດ້ຄົ້ນຫາເດັກນ້ອຍທີ່ຈົມນໍ້າເປັນມື້ທີສອງມາຮອດເວລາ 08:20 ໂມງ

ແມ່ນໄດ້ພົບສົບເດັກນ້ອຍຜູ້ສູນຫາຍຈາກການຈົມນໍ້າຢູ່ເຂດທ່ານໍ້າ ບ້ານທ່າຈຳປາ ເມືອງໄຊທານີ ແຂວງນະຄອນຫລວງ ຫ່າງຈາກຈຸດເກີດເຫດປະມານ 10km.

ຈຸດເກີດເຫດແມ່ນ ບ້ານປາກຊາບໃຫມ່ ເມືອງໄຊທານີ ແຂວງນະຄອນຫລວງ. ຜູ້ສູນຫາຍເປັນເພດຊາຍ ອາຍຸປະມານ 8 ປີ ຢູ່ບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ.

ທາງຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ 1623 ຕ້ອງຂໍສະແດງຄວາມເສຍໃຈມາຍັງຄອບຄົວແລະຍາດຕິພີ່ນ້ອງກັບການສູນເສຍຄັ້ງນີ້.

.

.

.

.

error: ເນື້ອຫາໄດ້ຮັບການປົກປ້ອງ !!