ເກີດເຫດທໍ່ສົ່ງນໍ້າມັນລະເບີດໄຟລາມເຜົ່າລົດທີ່ກຳລັງແລ່ນຢູ່ຫົນທາງຫຼວງ ທີ່ປະເທດອີຢິບໂຊກດີບໍ່ມີຄົນເສຍຊີວິດ

ເມື່ອວັນທີ່ 15 ເດືອນ ກໍລະກົດ ປີ 2020 gulfnews ລາຍງານເຫດການໄຟໄໝ້ທໍ່ສົ່ງນໍ້າມັນດິບໃນກຸງ ໄຄໂຣ ເມືອງຫຼວງຂອງປະເທດ ອີຢິບ ເຊີ່ງມີຜູ້ຖືກໄຟລວກບາດເຈັບ 12 ຄົນ ສອບສວນເບື້ອງຕົ້ນພົບເຫັນທໍ່ນໍ້າມັນເກີດຮອບແຕກຮົ່ວບໍລິເວນໃກ້ກັບທາງຫຼວງ ເສັ້ນທາງໄຄໂຣ-ອີສມາອິເລຍ

ຈາກນັ້ນເກີດປະກາຍໄຟໄໝ້ລົດຫຼາຍຄັນທີ່ກຳລັງສັນຈອນຢູ່ທ້ອງຖະໜົນຫົນທາງຢ່າໜາແໜ້ນ ເຊີ່ງເຫດການດັ່ງກ່າວເກີດເມື່ອວັນທີ່ 14 ເດືອນ ກໍລະກົດ ເຮັດໃຫ້ທາງການຕ້ອງປິດທາງທີ່ເຊື່ອມຕໍ່ໄຮເວທີ່ເກີດເຫດ ເນື່ອງຈາກມີລົດຫຼາຍຄັນຖືກໄຟໄໝ້ ແລະ ລະເບີດໄປນຳ.

ດ້ານສຳນັກຂ່າວຊິນຫົວ ລາຍງານຖະແຫຼງການກະຊ່ວງສາທາລະນະສຸດຂອງ ອີຢິບ ວ່າໂຊກດີທີ່ບໍ່ມີຜູ້ເສຍຊີວິດໃນເຫດການຄັ້ງນີ້ ສ່ວນຜູ້ບາດເຈັບຖືກນຳໂຕສົ່ງໄປໂຮງໝໍ ບາລອັລ-ຊາລາມ ໃນກຸງໄຄໂຣແລ້ວ ເຊີ່ງແຕ່ລະຄົນມີແຜໄຟໄໝ້ລະດັບແຕກຕ່າງກັນໄປ ລວມເຖີງມີອາການສຳລັກຄ້ວນ.

.

.

error: ເນື້ອຫາໄດ້ຮັບການປົກປ້ອງ !!