ໜ່ວຍກູ້ໄພໄດ້ຮັບແຈ້ງ ຄິດວ່າເສຍຊີວິດ ທີ່ແທ້ຟູນນ້ຳເພາະອາກາດຮ້ອນ ເຂດບ້ານຮ່ອງໄກ່ແກ້ວ

ໃນວັນທີ 14/07/2020 ເວລາ 16:11 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າ ມີເຫດຄົນນອນຟູນຳ້ ຢູ່ບ້ານ ຮ່ອງໄກ່ແກ້ວ ເມືອງ ຈັນທະບູລີ ນະຄອນຫຼວງວຽງຈັນ.

ທີມກູ້ຊີບກູ້ໄພນະຄອນຫຼວງ (ສູນສັ່ງການ)

ຈຶ່ງໄດ້ອອກກວດສອບເຫດພົບເຫັນຊາຍນອນນິ້ງຢູ່ຮ່ອງລະບາຍນ້ຳ ທາງໜ່ວຍກູ້ໄພນະຄອນຫຼວງຈີ່ງໄດ້ລົງໄປກວດສອບ ປາກົດວ່າຊາຍຄົນນັ້ນຍັງມີຊີວິດຢູ່ ໂດຍບໍ່ມີການເສຍຊີວິດແຕ່ຢ່າງໃດ. ຈາກການສອບຖາມຊາຍຄົນນັ້ນໄດ້ໃຫ້ເຫດຜົນວ່າ: ຕ້ອງການນອນພັກຜ່ອນເນື່ອງຈາກອິດເມື່ອຍ ແລະ ອາກາດຮ້ອນ ລາວຈື່ງໄດ້ນອນແຊ່ນຳ້ຢູ່ທີ່ນັ້ນເປັນເວລາເກືອບສາມຊົ່ວໂມງ.

ດັ່ງນັ້ນທີມກູ້ຊີບ-ກູ້ໄພນະຄອນຫຼວງຈຶ່ງໄດ້ນຳຕົວຊາຍຄົນດັ່ງກ່າວຂຶ້ນມາ ແລະ ລ້າງໂຕໃຫ້ສະອາດກ່ອນທີ່ຜູ້ກ່ຽວຈະກັບບ້ານເອງຢ່າງປອດໄພ.

ທີມກູ້ຊີບກູ້ໄພນະຄອນຫຼວງ1624

error: ເນື້ອຫາໄດ້ຮັບການປົກປ້ອງ !!