ຮົງກົງ ສັ່ງປິດໂຮງຮຽນທັງໝົດຕັ້ງແຕ່ມື້ນີ້ເປັນຕົ້ນໄປ

ຂ່າວ​ຈາກ​ຮົງ​ກົງ, ​​ເຂດ​ບໍລິຫານ​ພິ​ເສດ ຮົງ​ກົງ​ຂອງ​ຈີນ ສັ່ງ​ປິດ​ໂຮງຮຽນ​ທັງ​ໝົດ ຕັ້ງ​ແຕ່​ວັນ​ທີ 13 ກໍລະກົດ​ເປັນຕົ້ນ​ໄປ ຫລັງ​ຈາກ​ກວດ​ພົບ​ຜູ້​ຕິດ​ເຊື້ອ​ໂຄ​ວິດ-19 ລາຍ​ໃໝ່ 42 ຄົນ ​ໂດຍ​ເປັນ​ຜູ້​ຕິດ​ເຊື້ອ​ໃນ​ຮົງ​ກົງ​ ສູງ​ສຸດ ເຖິງ 34 ຄົນ.

ມາດ​ຕະການດັ່ງກ່າວ ​ເພື່ອ​ເປັນ​ການ​ຄວບ​ຄຸມ​ ການ​ແຜ່​ລະບາດ​ ຂອງ​ເຊື້ອ​ພະຍາດ​ ໃນ​ຊຸມ​ຊົນ ​ແລະ ປົກ​ປ້ອງ​ ສຸຂະພາບ ​ຂອງ​ນັກຮຽນ ​ແຕ່​ຫາກ​ໂຮງຮຽນ​ໃດ ຈຳ​ເປັນ​ຕ້ອງ​ ຈັດການ​ສອບ​ເສັງ​ ທ້າຍ​ພາກ​ຮຽນ ກໍ່​ສາມາດ​ເຮັດ​ໄດ້ ​ແຕ່​ຕ້ອງ ​ໃສ່​ຜ້າ​ອັດ​ປາກ ​ແລະ ​ໃຊ້​ມາດ​ຕະການ ຮັກສາ ​ໄລຍະ​ຫ່າງ​ ທາງ​ສັງຄົມ ລວມທັງ​ ມາດ​ຕະການ​ຕ່າງໆ ​ເພື່ອ​ຄວາມ​ປອດ​ໄພ​ ດ້ານ​ສຸຂະພາບ.

ປັດຈຸບັນ ​ເຂດ​ບໍລິຫານ​ພິ​ເສດ ຮົງ​ກົງ​ຂອງ​ຈີນ ມີ​ຜູ້​ຕິດ​ເຊື້ອ​ ສະ​ສົມ​ ທັງ​ໝົດ 1.366 ຄົນ ​ແລະ ​ເສຍ​ຊີວິດ 7 ຄົນ.

ຮຽບຮຽງ​ຂ່າວ​ໂດຍ ສະ​ໄຫ​ວ

error: ເນື້ອຫາໄດ້ຮັບການປົກປ້ອງ !!