ຄໍາເວົ້າຈາກຫົວໃຈ! ນ້ອງບິກອວຍພອນວັນເກີດແມ່ໃນມື້ທີ່ພໍ່ກິ ດາວເພັດ ໜູຫ່ວງ ບໍ່ຢູ່ແລ້ວ

ຕໍ່ກັບເຫດການຂ່າວເສົ້າຊັອກວົງການເພງບ້ານນາຂອງລາວເຮົາເມື່ອທ້າຍເດືອນເມສາ 2020 ທີ່ຜ່ານມາ ເຊື່ອວ່າຫຼາຍຄົນຈະຮັບຮູ້ກັນແນ່ນອນ ເນື່ອງຈາກເປັນການສູນເສຍອາຈານ ກິ ດາວເພັດ ໜູຫ່ວງ ນັກຮ້ອງສຽງດີ ລາຊາເພງລູກທົ່ງບ້ານນາຂອງລາວເຮົາ ທີ່ດ່ວນຈາກໄປຖ້ມໄວ້ພຽງບົດເພງຕາງໜ້າໃຫ້ທຸກຄົນໄດ້ຄິດຮອດຫາ.

ນັບຕັ້ງແຕ່ນັ້ນມາເປັນເວລາເກືອບ 3 ເດືອນແລ້ວກັບການສູນເສຍບຸກຄົນສໍາຄັນດັ່ງກ່າວ ເຊິ່ງແຟນເພງກໍ່ອ່ດຈະທໍາໃຈໄດ້ແລ້ວບໍ່ຫຼາຍກໍ່ໜ້ອຍ ແຕ່ສະເພາະຄອບຄົວແລ້ວ ການສູນເສຍບຸກຄົນອັນເປັນທີ່ຮັກຂອງຄອບຄົວແມ່ນເປັນເລື່ອງທີ່ທໍາໃຈຍອມຮັບຍາກທີ່ສຸດ ໂດຍສະເພາະແມ່ນລູກເມຍ, ຍິ່ງຖ້າພົບກັບເຫດການສໍາຄັນຕ່າງໆໃນຊີວິດຍິ່ງເຮັດໃຫ້ຄິດຮອດຫາ ຕອກຢໍ້າຄວາມຮູ້ສຶກສູນເສຍເຂົ້າໄປອີກ.

ແຕ່ທັງນີ້ທັງນັ້ນ ຄົນທີ່ຢູ່ກໍ່ຕ້ອງຊ່ວຍພະຍຸງກັນເພື່ອໃຫ້ມີຊີວິດຢູ່ຕໍ່ໄປໄດ້ ແຕ່ສິ່ງສໍາຄັນແມ່ນການໃຫ້ກໍາລັງໃຈເຊິ່ງກັນ ແລະກັນ ເພື່ອຂ້າມຜ່ານຄືນວັນອັນໂຫດຮ້າຍໄປໄດ້ ໂດຍສະເພາະເຫດການສໍາຄັນທີ່ຈະເກີດຂຶ້ນໃນຊີວິດເລີ່ມຕົ້ນຈາກມື້ທີ່ບໍ່ມີພໍ່ຢູ່ແລ້ວ, ດັ່ງນ້ອງບິກ ໜູຫ່ວງ ທີ່ອວຍພອນໃຫ້ກໍາລັງໃຈແມ່ໃນວັນເກີດທີ່ບໍ່ມີພໍ່ຢູ່ນໍາແລ້ວ ຢ່າງສຸດຊຶ້ງວ່າ: ສຸກສັນວັນເກີດເດີ້ເເມ່ຂໍໃຫ້ເເມ່ສຸຂະພາບເເຂງເເຮງຢູ່ກັບລູກກັບຫຼານ, ປີນີ້ເຖິງເຮົາຈະບໍ່ມີພໍ່ມາອວຍພອນໃຫ້ເຮົາ, ເເຕ່ຈະມີລູກຄົນນີ້ຈະເປັນທຸກຢ່າງເເທນພໍ່ເອງເດີ້ເເມ່ ພ້ອມລົງທ້າຍຂໍ້ຄວາມວ່າ ຮັກແມ່.

ເຊື່ອວ່າຫາກເອື້ອຍພຸດໄດ້ເຫັນຂໍ້ຄວາມຂອງນ້ອງບິກກໍ່ຕ້ອງໄດ້ຮັບກໍາລັງໃຈ ແລະ ມີແຮງຕໍ່ສູ້ກັບສິ່ງທີ່ພົບເຈີຢູ່ ພ້ອມຂ້າມຜ່ານຊ່ວງເວລາອັນໂຫດຮ້າຍໄປໄດ້ໃນເວລາອັນໃກ້ນີ້ແນ່ນອນ.

error: ເນື້ອຫາໄດ້ຮັບການປົກປ້ອງ !!