ລາຍງານດ່ວນ! ຈັບໄດ້ແລ້ວຄົນຮ້າຍ ເຫດຄາຕະກຳຊິງຊັບ ທີ່ທາງບ້ານຫ້ວຍຫ້ອມ

ເຫດຄາຕະກຳຢູ່ບ້ານຫ້ວຍຫ້ອມ ເມືອງສີໂຄະບອງ ນະຄອນຫລວງວຽງຈັນ ເມື່ອວັນທີ 8 ກໍລະກົດນີ້

ຕໍ່ເຫດການດັ່ງກ່າວ ຮອງນາຍບ້ານ ຫ້ວຍຫ້ອມໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກປະຊາຊົນ ຈຶ່ງໄດ້ໄປເບິ່ງເຫດການຕົວຈິງ ຈຶ່ງເຫັນສະພາບດັ່ງກ່າວມີຜູ້ເສຍຊີວິດ 1 ຄົນ ດ້ວຍລູກປືນທະລຸຈາກຂ້າງຫລັງກໍ້າຊ້າຍຊອດໃສ່ຫົວໃຈ (ໜ້າເອິກກໍ້າຊ້າຍ)

ຜູ້ເສຍຊີວິດເປັນເພດຊາຍ ຊື່ທ້າວທອງຈັນ ອາຍຸ 19 ປີ ພວມຮຽນຢູ່ຊັ້ນມັດທະຍົມປີທີ 7 ເປັນປະຊາຊົນຢູ່ບ້ານຊອກ ເມືອງສັງທອງ ນະຄອນຫລວງວຽງຈັນ.

ຈາກພາບກ້ອງວົງຈອນປິດຢູ່ເຂດໃກ້ຄຽງເຫັນພາບລົດອີກຄັນໜຶ່ງຮຽງກັນໄປ ແຕ່ຍັງບໍ່ສາມາດລະບຸໄດ້ຊັດເຈນ ເນື່ອງຈາກສະພາບອາກາດຍັງມືດ, ສ່ວນການຕິດຕາມຫາຄົນຮ້າຍຍັງຢູ່ໃນຂັ້ນດຳເນີນການຂອງເຈົ້າໜ້າທີ່ຕຳຫລວດ.

ແຕ່ຫຼ້າສຸດ ມື້ນີ້ວັນທີ 9 ກໍລະກົດ 2020 ມີລາຍງານຈາກຜູ້ໃຊ້ເຟສບຸກຊື່ ປີ ສຸມິນທາ ທີ່ໂພສພາບພ້ອມຂໍ້ຄວາມລະບຸວ່າ ຈັບໄດ້ແລ້ວໂຈນທີ່ຍີງຄົນເສຍຊີວິດຢູ່ຫ້ວຍນ້ຳໃສວານນີ້ຊົມເຊີຍເຈົ້າໜ້າທີ່ເດີ

ແຕ່ທັງນີ້ທັງນັ້ນ ຍັງບໍ່ທັນມີຂໍ້ມູນລະອຽດກ່ຽວກັບຜູ້ຕ້ອງຫາທີ່ຈັບໄດ້ ຍັງເປັນພຽງຜູ້ຕ້ອງສົງໄສຢູ່ ແຕ່ຫາກມີຂໍ້ມູນເພີິ່ມເຕີມແນວໃດທີມ ສື່ລາວ ເຮົາ ຈະນໍາມາລາຍງານໃຫ້ທຸກທ່ານໄດ້ຮູ້ນໍາກັນແນ່ນອນ.

ຄົນຮ້າຍໄດ້ເອົາລົດໄປປ່ຽນສີ

error: ເນື້ອຫາໄດ້ຮັບການປົກປ້ອງ !!