Kanye West ແຣບເປີ ຄົນດັງ ປະກາດກຽມລົງຊິງຕຳແໜ່ງ ປະທານາທິບໍດີສະຫະລັດ ໃນປີ 2020 ນີ້

ວັນທີ່ 4 ເດືອນ ກໍລະກົດ ປີ 2020 ເວັບໄຊນິວຢອກໂພສ ລາຍງານວ່າ: ຄານເຢ່ ເວສ (Kanye West ) ສິລະບິນແຣບເປີຊື່ດັງ ໄດ້ປະກາດຜ່ານທາງທະວິດເຕີວ່າ: ກຽມລົງສະໝັກຊິງຕຳແໜ່ງປະທານາທິບໍດີ ສະຫະລັດອາເມລິກາ ໃນປີນີ້ ທີ່ກຳລັງຈະມີຂື້ນໃຫ້ເດືອນ ພະຈິກ ທີ່ຈະມານີ້.

ໂດຍຄານເຢ່ ເວສ ທະວິດວ່າ: (ຕອນນີ້ເຮົາທຸກຄົນຕ້ອງຕະໜັກເຖີງພັນທະສັນຍາຂອງອາເມລິກາ ດ້ວຍການທີ່ເຮົາຕ້ອງເຊື່ອໝັ້ນໃນພະເຈົ້າ ຫຼອມລວມວິໃສທັດເປັນໜຶ່ງດຽວກັນ ແລະ ສ້າງອານາຄົດຂອງຊາດຮ່ວມກັນ ຂ້ອຍກຳລັງສະໝັກຊິງຕຳແໜ່ງປະທານາທິບໍດີ ສະຫະລັດອາເມລິກາ) ພ້ອມແຮສແທ໋ກ#2020VISION ໂດຍມີ ອີລອນ ມັສ CEO ບໍລິສັດເທັກໂນໂລຢີຊື່ດັງມາຕອບຮັບວ່າ: ຂ້ອຍສະໜັບສະໜູນເຕັມທີ່.

ນອກຈາກນີ້ຫາກ ຄານເຢ່ ເວສ ຕັດສິນໃຈລົງສະໝັກຊິງຕຳແໜ່ງແບບຈີ່ງຈັງ ລາວຈະຕ້ອງແຂ່ງກັບ ໂດນັລ ທຣຳ ເຊີ່ງເປັນນັກການເມືອງທີ່ລາວຊື່ນຊົມ ແລະ ສະໜັບສະໜູນຢ່າງເປີດເຜີຍຕໍ່ສາທາລະນະຊົນ ທັ້ງນີ້ ເທື່ອນີ້ບໍ່ແມ່ນເທື່ອທຳອິດ ທີ່ ຄານເຢ່ ເວສ ປະກາດແນວນີ້ ເມື່ອຄັ້ງຂື້ນຮັບລາງວັນ MTV Video Music Award 2015 ລາວກໍ່ສ້າງຄວາມຮືຮາ ໂດຍປະກາດວ່າຈະລົງສະໝັກຕຳແໜ່ງຜູ້ນຳປະເທດມາແລ້ວ.

ຂ່າວຈາກ: kapook

error: ເນື້ອຫາໄດ້ຮັບການປົກປ້ອງ !!