ຍອດຜູ້ເສຍຊີວິດ ຈາກເຫດບໍ່ແຮ່ຖະຫລົ່ມຢູ່ ມຽນມາ ເພີ່ມຂຶ້ນເປັນ160 ກວ່າຄົນ

ຕາມແຫລ່ງຂ່າວ ຢາງກຸ້ງ ຂອງມຽນມາ, ວັນທີ 2 ກໍລະກົດ, ເຈົ້າໜ້າທີ່ ດັບເພີງ ມຽນມາ ໄດ້ເປີດເຜີຍວ່າ: ຍອດຜູ້ເສຍຊີວິດຈາກ ອຸບັດເຫດ ບໍ່ແຮ່ຢົກ ຖະຫລົ່ມລົງມາທັບຄົນງານ ໃນມຽນມາ ເຮັດໃຫ້ມີ ຜູ້ເສຍຊີວິດ ເຖິງ 162 ຄົນ ແລະ ບາດເຈັບ 50 ກວ່າຄົນ

ໃນບໍລິເວນ ລັດກະສິນ ໃກ້ຊາຍແດນຕິດກັບ ຈີນ ພາຍຫລັງ ຝົນຕົກລົງມາ ຢ່າງໜັກ. ປັດຈຸບັນ, ໜ່ວຍກູ້ໄພ ມຽນມາ ພວມເລັ່ງຄົ້ນຫາ ແລະ ຊ່ວຍເຫລືອ ຜູ້ປະສົບໄພ ຢ່າງຕໍ່ເນື່ອງ.

ມຽນມາ ເກີດດິນຖະຫລົ່ມ ບໍແຮ່ ມາໂດຍຕະຫລອດ ແລະ ແຕ່ລະປີ ມີຜູ້ເສຍ ຊີວິດ ຫລາຍສິບຄົນ.

error: ເນື້ອຫາໄດ້ຮັບການປົກປ້ອງ !!