ເມຍ ກິ ດາວເພັດ ໜູຫ່ວງ ອຸທິດບຸນໃຫ້ຜົວຢູ່ເທີງສະຫວັນ

ທີ່ນະຄອນຫຼວງວຽງຈັນ ທ້າຍເດືອນ ມິຖຸນາ 2020 ຫຼ້າສຸດ ເອື້ອຍຄໍາພຸດ ໜູຫ່ວງ ເມຍຂອງ ກິ ດາວເພັດ ໜູຫ່ວງ ໄດ້ໄປເຮັດບຸນກິນທານ, ສ້າງບຸນສ້າງກຸສົນໜຸນນຳສົ່ງໃຫ້ຜົວຜູ້ລ່ວງລັບ ໃຫ້ໄດ້ມາຮັບມາໂຈມເອົາ. ແນວໃດກໍ່ຕາມ ຂໍໃຫ້ຄອບຄົວໜູຫ່ວງຜ່ານພົ້ນທຸກໂສກນີ້ໄປໄດ້ໂດຍໄວ ພ້ອມສົ່ງກໍາລັງໃຈໃຫ້ຄົນທີ່ຍັງຢູ່ຈົ່ງສູ້ຊີວິດຕໍ່ໄປ. ການຈາກໄປຂອງ ກິ ດາວເພັດ ໜູຫ່ວງ ນອກຈາກຈະສ້າງຄວາມໂສກເສົ້າໃຫ້ແກ່ແຟນເພງໃນທົ່ວປະເທດແລ້ວ ແຕ່ທີ່ໜັກໜາກວ່າແມ່ນຄອບຄົວ ໜູຫ່ວງ ທີ່ຕ້ອງສູນເສຍເສົາຫຼັກຂອງຄອບຄົວໄປແບບບໍ່ທັນຕັ້ງຕົວ

ເຖິງເວລາຈະຜ່ານໄປດົນປານໃດ ແຕ່ຄວາມເສຍໃຈ, ຄວາມຮັກອາໄລຫາກໍ່ຍັງຄົງມີຢູ່ ໂດຍສະເພາະແມ່ນຜູ້ເປັນເມຍ ຜູ້ເປັນຄູ່ຊີວິດ ຮ່ວມທຸກຮ່ວມຍາກກັນມາ. ເປັນເວລາ 2​ ເດືອນກວ່າແລ້ວກັບການຈາກໄປຂອງລາຊາເພັງລູກທົ່ງບ້ານນາ ກິ ດາວເພັດ ໜູຫ່ວງ ທີ່ສູນເສຍໄປເມື່ອທ້າຍເດືອນເມສາທີ່ຜ່ານມາ. ແນວໃດກໍ່ຕາມ ເຖິງແມ່ນວ່ານັກຮ້ອງດັງຄົນນີ້ຈະບໍ່ມີຊີວິດຢູ່ແລ້ວ ແຕ່ທຸກຜົນງານຂອງຜູ້ກ່ຽວແມ່ນຍັງຄົງດັງກ້ອງ ສ້າງຄວາມສຸກໃຫ້ກັບແຟນເພງທຸກທົ່ວໜ້າ.

.

error: ເນື້ອຫາໄດ້ຮັບການປົກປ້ອງ !!