ອີກແລ້ວ! ໄປຫາເຫັດປວກມາກິນ ສຸດທ້າຍໄດ້ນັ່ງຖົມດິນຖົມຊາຍເອົາກັນ 2 ຄົນ

ກ່ອນໜ້ານີ້ ແອັດມິນເຄີຍນໍາສະເໜີໄປແລ້ວຫຼາຍກໍລະນີກ່ຽວກັບເຫດການຄົນເບື່ອເຫັດ ຍ້ອນໄປຫາເຫັດແລ້ວກິນເຫັດທີ່ຕົນເອງບໍ່ຮູ້ຈັກ ຫຼື ມັກງ່າຍຄິດເອງວ່າມັນສາມາດກິນໄດ້ ຈຶ່ງພາໃຫ້ເກີດມີເຫດການດັ່ງກ່າວເກີດຂຶ້ນຢ່າງຫຼວງຫຼາຍ ແລ້ວພາກັນແກ້ບັນຫາດ້ວຍພູມປັນຍາຊາວບ້ານ ດ້ວຍການນໍາຜູ້ທີ່ເບື່ອເຫັດໄປນອນຢູ່ພື້ນດິນແລ້ວເຂ່ຍດິນຖົມ.

.

ສິ່ງທີ່ແອັດກ່າວມາຂ້າງເທິງ ປາກົດເຫັນຫຼາຍໃນປັດຈຸບັນ ໂດຍສະເພາະຊ່ວງລະດູຝົນແບບນີ້ ຟ້າບົດແບບນີ້ ຜູ້ຄົນຈະພ້ອມກັນອອກໄປຫາເຫັດ ດັ່ງກັບຄອບຄົວນີ້ ໂດຍເຫດການເກີດເມື່ອວັນທີ 17 ມິຖຸນາ 2020 ຢູ່ບ້ານ ທີ່ໄປຫາເຫັດປວກ ແລ້ວໄດ້ເຫັດຢ່າງອື່ນປົນມາ ໂດຍບໍ່ຮູ້ຈັກ ແລ້ວພາກັນເຮັດກິນ ສຸດທ້າຍ ສອງເອື້ອຍນ້ອງເບື່ອເຫັດ ຄອບຄົວຕ້ອງນໍາທັງສອງລົງພື້ນດິນແລ້ວຖົມໄວ້.

ແນວໃດກໍ່ຕາມ ແອັດມິນຂໍຝາກຄວາມເປັນຫ່ວງເປັນໃຍເຖິງພໍ່ມີພີ່ນ້ອງທຸກຄົນ ໂດຍສະເພາະແມ່ນເຂດຊົນນະບົດ ທີ່ຊອກຢູ່ຫາກິນຕາມທໍາມະຊາດ ຕ້ອງມີສະຕິລະມັດລະວັງໃຫ້ຫຼາຍກວ່າເກົ່າ, ການບໍລິໂພກພືດພັນແຕ່ລະຊະນິດຕ້ອງເບິ່ງໃຫ້ດີ ບໍ່ດັ່ງນັ້ນອາດເກີດອັນຕະລາຍເຖິງຊີວິດໄດ້.

error: ເນື້ອຫາໄດ້ຮັບການປົກປ້ອງ !!