ຂຸດພົບລະເບີດ 750 ປອນ ຂະນະບຸກເບີກພື້ນທີ່ປຸກສ້າງເຮືອນຂອງປະຊາຊົນ

ຂໍຂອບໃຈພາບແລະຂ່າວໂດຍ “ທ່ານ ພວງທອງ ສີຈະເລີນພອນ” ພະນັກງານໂຄງການເກັບກູ້ລະເບີດແຫ່ງຊາດ ປະຈຳ ແຂວງຫົວພັນ, ບັນຫາລະເບີດບໍ່ທັນແຕກທີ່ຕົກຄ້າງ ຍັງສືບຕໍ່ເປັນໄພຄຸກຄາມແກ່ການດໍາລົງຊີວິດຂອງປະຊາຊົນບັນດາເຜົ່າ ແລະ ການພັດທະນາເສດຖະກິດ-ສັງຄົມ ຢູ່ ສປປ ລາວ ແລະ ໂຄງການເກັບກູ້ລະເບີດແຫ່ງຊາດ ຈະທຸ້ມເທສຸດຄວາມສາມາດ ແລະ ປະຕິບັດຕາມໜ້າທີ່

ທີ່ໄດ້ຮັບມອບໝາຍຈາກລັດຖະບານ ແຫ່ງ ສປປ ລາວ ຢ່າງຕັ້ງໜ້າ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າ ປອດໄພຈາກລະເບີດບໍ່ທັນແຕກ, ທີມງານເກັບກູ້ ຂອງ ໂຄງການເກັບກູ້ລະເບີດແຫ່ງຊາດ ປະຈຳ ແຂວງຫົວພັນ ໄດ້ເດີນທາງໄປຍັງພື້ນທີ່ດັ່ງກ່າວ ແລະ ໄດ້ທໍາການພິສູດປະເພດຂອງລະເບີດແລ້ວພົບວ່າເປັນລະເບີດປະເພດ 750 ປອນ ທີ່ຕົກຄ້າງມາແຕ່ສະໄໝສົງຄາມ

ແລະ ໄດ້ທໍາການເຄື່ອນຍ້າຍລະເບີດອອກຈາກພື້ນທີ່ກໍ່ສ້າງເປັນທີ່ຮຽບຮ້ອຍແລ້ວ ຕາມຂັ້ນຕອນທາງດ້ານເຕັກນິກວິຊາການ ແລະ ມາດຕະຖານຄວາມປອດໄພ, ເຊິ່ງໃນປະຈຸບັນ ການບຸກເບີກພື້ນທີ່ປຸກສ້າງແມ່ນສາມາດດຳເນີນໄດ້ຕາມປົກກະຕິ, ໃນວັນທີ 6 ມິຖຸນາ 2020 ທີ່ຜ່ານມາ ໄດ້ມີການລາຍງານພົບເຫັນລະເບີດໃຫຍ່ ຈໍານວນ 1 ໜ່ວຍ

ຢູ່ທີ່ ບ້ານພັນໄຊ, ເມືອງ ຊຳເໜືອ, ແຂວງ ຫົວພັນ, ເຊິ່ງພະນັກງານຂັບລົດຈົກດິນ ແລະ ເຈົ້າຂອງທີ່ດິນ ໄດ້ພົບເຫັນລະເບີດດັ່ງກ່າວໃນລະຫວ່າງການບຸກເບີກພື້ນທີ່ເພື່ອປຸກສ້າງເຮືອນ, ຫຼັງຈາກນັ້ນ ເຈົ້າຂອງທີ່ດິນ ຈຶ່ງໄດ້ລາຍງານໄປຫາຫ້ອງການໂຄງການເກັບກູ້ລະເບີດແຫ່ງຊາດ ປະຈຳ ແຂວງ ຫົວພັນ ເພື່ອໃຫ້ເຈົ້າໜ້າທີ່ມາຊ່ວຍເຄື່ອນຍ້າຍລະເບີດທີ່ພົບອອກຈາກພື້ນທີ່ກໍ່ສ້າງຂອງຕົນ.

error: ເນື້ອຫາໄດ້ຮັບການປົກປ້ອງ !!