ສຸດເສົ້າ! ລູກຈ້າງລາວຖືກນາຍຈ້າງຊາວໄທຍິງເສຍຊີວິດ ເຫດໄປທ້ວງຄ່າຈ້າງ 8,000 ບາດ

ວັນທີ 15 ມິຖຸນາ 2020, ເຈົ້າຂອງສວນຖົ່ວລຽນຊາວໄທຍໃຈໂຫດຂ້າລູກຈ້າງຊາວລາວ ແລ້ວຢັດໃສ່ຖັງນໍ້າມັນເປົ່າຝັງໄວ້ໃຕ້ດິນ, ຫວັງຕົບຕາເຈົ້າຫນ້າທີ່ຕໍາຫຼວດ ແລະ ເພື່ອໜີຄວາມຜິດ ຫລ້າສຸດເຈົ້າຫນ້າທີ່ຕໍາຫຼວດໄທຍສາມາດຈັບກຸມມືສັງຫານໃຈໂຫດຄົນນີ້ໄດ້ແລ້ວ

ທ່ານ ພັນຕໍາຫຼວດເອກ ນັດທະວຸດ ທອງທິບ ຜູ້ກໍາກັບເຂດ, ຈັງຫວັດນະຄອນສີທໍາມະຣາດໄດ້ເປີດເຜີຍຕໍ່ຜູ້ສື່ຂ່າວໃນວັນທີ 14 ມິຖຸນາ 2020 ນີ້ວ່າ: ນາງ ພິນ ອາຍຸ 30 ປີ ເພື່ອນຂອງຜູ້ເສຍຊີວິດໄດ້ມາແຈ້ງຄວາມວ່າເພື່ອນຂອງຕົນ 1 ຄົນຫາຍສາບສູນແບບມີເງື່ອນງໍາຄື: ທ້າວ ເທີນ ອາຍຸ 30 ຂະນະທີ່ເປັນກໍາມະກອນພວມເຮັດວຽກຢູ່ສວນຖົ່ວລຽນຂອງ ທ້າວ ທິຣະວັດ ວິຣະພັນ ອາຍຸ 31 ປີ

ສາເຫດຍ້ອນກໍາມະກອນຊາວລາວໄປທວງເອົາເງິນຄ່າແຮງງານເພື່ອຈະກັບປະເທດລາວ ແຕ່ເຈົ້າຂອງສວ່ນຖົ່ວລຽນໂມໂຫ ແລະ ບໍ່ຢາກຈ່າຍເພາະຢາກໃຫ້ເຮັດວຽກຕໍ່ຢູ່ສວນຖົ່ວລຽນແລະໄດ້ມີປາກສຽງກັນຢ່າງຮຸນແຮງ ຈົນສຸດທ້າຍເຈົ້າຂອງສວນຖົ່ວລຽນດັ່ງກ່າວໄດ້ຈົກອາວຸດປືນທີ່ຕິດມາກັບຕົວ ຍິງໃສ່ແຮງງານລາວຜູ້ນັ້ນຈຳນວນໜຶ່ງນັດ ເສຍຊີວິດຄາທີ່

ຫລັງຈາກທີ່ຜູ້ກ່ຽວໄດ້ຍິງແຮງງານລາວເສຍຊີວິດແລ້ວ ຈຶ່ງພະຍາຍາມປົກປິດຫລັກຖານເອົາສົບຂອງຜູ້ເສຍຊີວິດຍັດໃສ່ຖັງນ້ຳມັນ 200ລິດ ແລ້ວຂຸດຂຸມເລິກປະມານແມັດກວ່າ ເພື່ອຝັງ

ແຕ່ສຸດທ້າຍກໍ່ບໍ່ລອດຍ້ອນມີໝູ່ຂອງຜູ້ເສຍຊີວິດເອງທີ່ເປັນຊາວໄທຍ ໄດ້ໄປແຈ້ງຕໍ່ເຈົ້າຫນ້າທີ່ຕຳຫຼວດວ່າມີຄົນຫາຍ ແລະເຈົ້າຫນ້າທີ່ຕຳຫຼວດກໍ່ໄດ້ໄປກວດສອບທີ່ເຮັດວຽກເກົ່າຂອງຜູ້ກ່ຽວແລະໄດ້ເຈີກັບຫລັກຖານຈົນນຳມາສູ່ການຈັບກຸມຄົນຮ້າຍໄດ້ໃນທີ່ສຸດ

error: ເນື້ອຫາໄດ້ຮັບການປົກປ້ອງ !!