ສ.ອາເມລິກາ ກຽມເປີດສະຖານກົງສຸນໃນເມືອງອູຮັ້ນຄືນໃໝ່
ຕາມເວັບໄຊ CNN ຂອງ ສ.ອາເມລິກາ ລາຍງານວ່າ: ກະຊວງການຕ່າງປະເທດ ສ.ອາເມລິກາ ກຽມເປີດສະຖານກົງສຸນ ສ.ອາເມລິກາ ປະຈຳ ເມືອງອູຮັ້ນ ຂອງຈີນ ຄືນໃໝ່ ໃນວັນທີ 22 ມິຖຸນານີ້ ພາຍຫລັງ ກະຊວງການຕ່າງປະເທດ ສ.ອາເມລິກາ ສັ່ງຖອນເຈົ້າໜ້າທີ່ກົງສຸນ ແລະ ຄອບຄົວ ອອກຈາກເມືອງອູຮັ້ນ ເມື່ອທ້າຍເດືອນ ມັງກອນ ທີ່ຜ່ານມາ ຫລັງຈາກ ລັດຖະບານຈີນ ອອກມາດຕະການ ປິດເມືອງ ເພື່ອຄວບຄຸມ ການແຜ່ລະບາດ ຂອງເຊື້ອພະຍາດ ໂຄວິດ-19.
ປັດຈຸບັນ ມີຜູ້ຕິດເຊື້ອ ໂຄວິດ-19 ທົ່ວໂລກກວ່າ 7ລ້ານຄົນ ແລະ ເສຍຊີວິດກວ່າ 410.000 ຄົນ.
ຮຽບຮຽງຂ່າວໂດຍ ສະໄຫວ
ເນື້ອໃນ: ຂປລ