ຜູ້ອຳນວຍການອົງການອານາໄມໂລກເຜີຍພາບລວມໂຄວິດ-19 ຍັງລະບາດຫນັກ ເຕືອນຍັງບໍ່ແມ່ນເວລານິ້ງນອນໃຈ

ເມື່ອວັນຈັນ (8 ມິຖຸນາ) ທີໂດຣສອັດຮານອມ ກີບຣີເຍຊຸສ (Tedros Adhanom Ghebreyesus) ຜູ້ອຳນວຍການໃຫ່ຍອົງການອານາໄມໂລກ (WHO) ລະບຸວ່າແມ້ວ່າສະຖານະການການແຜ່ລະບາດຂອງໂລກຕິດເຊື້ອໄວຣັດໂຄໂຣນາ 2019 (ໂຄວິດ-19) ໃນຢູໂຣບມີພັດທະນາການໃນທາງທີ່ດີ ແຕ່ພາບລວມຂອງທົ່ວໂລກກຳລັງຊຸດລົງ

ທີໂດຣສກ່າວວ່າ 9 ໃນ 10 ວັນທີ່ຜ່ານມາທາງອົງການອານາໄມໂລກໄດ້ຮັບລາຍງານຜູ້ປ່ວຍໂລກໂຄວິດ-19 ເພີ່ມກວ່າ 100,000 ຄົນຕໍ່ວັນແລະຍອດຜູ້ປ່ວຍໃຫ່ມເພີ່ມສູງກວ່າ 136,000 ຄົນໃນວັນທີ່ 7 ມິຖຸນາ ຊື່ງເປັນ ສະຖິຕິລາຍວັນສູງສຸດເປັນປະຫວັດຕິການ

ປະຈຸບັນອົງການອານາໄມໂລກໄດ້ຮັບລາຍງານຜູ້ປ່ວຍໂລກໂຄວິດ-19 ລວມເກືອບ 7 ລ້ານຄົນ ເສຍຊີວິດແລ້ວເກືອບ 400,000 ຄົນ ຜູ້ອຳນວຍການອົງການອານາໄມໂລກ ລະບຸ
ສຳລັບສະຖານະການໃນທະວີບແອັບຟິຣການັ້ນ ທີໂດຣສ ລະບຸວ່າຫລາຍປະເທດຍັງພົບຜູ້ປ່ວຍຈຳນວນຫລາຍຂື້ນແລະບາງປະເທດພົບຜູ້ຕິດເຊື້ອໃນພື້ນທີ່ໃຫ່ມ

ເຮົາພົບຜູ້ປ່ວຍຈຳນວນຫລາຍຂື້ນໃນພື້ນທີ່ບາງສ່ວນຂອງຢູໂຣບຕາເວັນອອກແລະເອເຊຍກາງ ທີໂດຣສ ໃຫ້ສຳພາດກັບຜູ້ສື່ຂ່າວ
ນອກຈາກນີ້ ທີໂດຣສ ຍັງກ່າວຢ້ຳວ່າ ປະເທດທີ່ມີສັນຍານດີດ້ານການແຜ່ລະບາດບໍ່ຄວນ ພຶງພໍໃຈ ກັບສະຖານະການຂອງຕົນ ເນື່ອງຈາກມີປະຊາຊົນຈຳນວນຫລາຍທົ່ວໂລກທີ່ຍັງສ່ຽງຕິດເຊື້ອ

ຫລັງຈາກການຕໍ່ສູ້ກັບການແຜ່ລະບາດມາດົນກວ່າ 6 ເດືອນນີ້ບໍ່ແມ່ນເວລາທີ່ປະເທດໃດຈະນິ້ງນອນໃຈແລະຢຸດພັກ ທີໂດຣສ ກ່າວຢ້ຳ

error: ເນື້ອຫາໄດ້ຮັບການປົກປ້ອງ !!