ຈີນ ຈະເພີ່ມທະວີການຮ່ວມມືສາກົນໃນການທົດລອງຢາປ້ອງກັນໂຄວິດ-19

ອ້າງຕາມຂ່າວ ປັກກິງຂອງ ຈີນ ເມື່ອບໍ່ດົນມານິ້ ວ່າ ຈີນ ຈະເພີ່ມການຮ່ວມມື ສາກົນ ໃຫ້ແໜ້ນແຟ້ນຍິ່ງຂື້ນ ໃນການ ທົດລອງ ໃນອະນາຄົດ  ກ່ຽວກັບ ການວິໄຈ ທາງຄລິນິກ ຂອງ ຢາປ້ອງກັນ (ວັກແຊັງ) ເພື່ອປິ່ນປົວພະຍາດ ທີ່ເກີດຈາກ ເຊື້ອໄວຣັດໂຄວິດ-19.

ໂດຍທ່ານ ຫວັງຈືກັງ ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ຂອງ ຈີນ ກ່າວ ໃນລະຫວ່າງ  ການຖະແຫລງຂ່າວ  ຢູ່ນະຄອນຫລວງ ປັກກິງ ວ່າ ການພັດທະນາ ຢາປ້ອງກັນໂຄວິດ-19 ຍັງຄົງເປັນ ຍຸດທະສາດ ພື້ນຖານ ໃນຄວາມ ພະຍາຍາມ ຂອງ ຈີນ ໃນການ ເອົາຊະນະ ເຊື້ອພະຍາດນີ້  ແຕ່ການ ພັດທະນາ ຢາປ້ອງກັນນີ້ ມີຄວາມ ຫຍຸ້ງຍາກຫລາຍ ແລະ ຕ້ອງໃຊ້ເວລາ.

ສະນັ້ນ  ຈີນ ມີຄວາມ ພະຍາຍາມ ເປັນຢ່າງຍິ່ງ ໃນການ ພັດທະນາ ຢາຊະນິດນີ້. ອົງການ ອະນາໄມໂລກ ເປີດເຜີຍວ່າ ນັກວິໄຈ ຈີນ 5 ກຸ່ມ ພວມດຳເນີນ ການວິໄຈ ທາງຄລີນິກ ກັບ ມະນຸດ ຫລື ກວມເອົາເຄິ່ງໜຶ່ງ ຂອງ ການທົດລອງ ກັບ ມະນຸດ ໃນທົ່ວໂລກ, ປະທານປະເທດ ສີຈິ້ນຜິງ ຂອງ ຈີນ ໄດ້ປະກາດ ໃຫ້ຄຳໝັ້ນສັນຍາ ໃນກອງປະຊຸມ ສະມັດຊາ ອະນາໄມໂລກ ຊຶ່ງເປັນ ໜ່ວຍງານບໍລິຫານ ຂອງ ອົງການ ອະນາໄມໂລກ ຈັດຂຶ້ນ ເມື່ອເດືອນ ຜ່ານມາ ວ່າ  ວ່າ ຢາປ້ອງກັນ ໂຄວິດ-19 ທີ່ຈີນ ພວມເລັ່ງ ພັດທະນາ ຢູ່ນີ້ ຖ້າຫາກ ປະສົບຜົນ ສຳເລັດ ແລະ ໄດ້ຮັບປະສິດທິຜົນ ຈະເປັນຊັບສິນ ສາທາລະນະ ແລະ ຈີນ ຈະແຈກຢາຍ. ດັ່ງນັ້ນ ເພື່ອໃຫ້ໝັ້ນໃຈ ວ່າ ປະເທດ ພວມພັດທະນາ ຈະສາມາດ ເຂົ້າເຖິງ ຢາປ້ອງກັນ ພະຍາດ ແລະມີວັກແຊັງໃຊ້.

ຂ່າວ: ຂປລ

error: ເນື້ອຫາໄດ້ຮັບການປົກປ້ອງ !!