ເສດຖະກິດໂລກ ຈະຫລຸດລົງ 5,2%

ອ້າງຕາມຂ່າວ ວໍຊິງຕັນ ຂອງ ສ.ອາເມລິກາ, ວັນ​ທີ 9 ​ເດືອນ​ມິຖຸນາ, ທະນາຄານໂລກ ຄາດວ່າ ເສດຖະກິດໂລກ ຈະຫລຸດລົງ 5,2% ໃນປີນີ້. ຍ້ອນຜົນກະທົບ ຈາກການແຜ່ ລະບາດ ຂອງ ພະຍາດ ໂຄວິດ-19. ນີ້​ຖື​ເປັນ​ຕົວ​ເລກ​ຕ່ຳ​ກວ່າ​ທີ່​ກຳນົດ​ໄວ້​ 7,7% ​ກ່ອນ​ເກີດ​ ການ​ແຜ່​ ລະບາດ​ ຂອງ​ ພະຍາ​ດ​ ໂຄ​ວິດ-19. ທະນາຄາ​ນ​ໂລກ ຄາດ​ວ່າ ​ເສດຖະກິດ​ໂລກ​ ໃນ​ປີ​ນີ້ ຈະ​ເລີ​ນ​ເຕີບ​ໂຕ 2,5%. 

ທະນາຄານ​​ໂລກ ຄາດ​ວ່າ ​ເສດຖະກິດ ສ.ອາ​ເມ​ລິ​ກາ ​ແລະ ຍີ່ປຸ່ນ ຈະ​ຫລຸດ​ລົງ 6,1% , ​ເອີ​ໂຣ​ໂຊນ 9,1%  ສ່ວນ​ເສດຖະກິດ ຈີນ ຈະ​ຂະຫຍາຍຕົວ 1% ​ເປັນ​ຕົວ​ເລກ ​ຕ່ຳ​ສຸດ ​ໃນ​ຮອບ 44 ປີ. ​ໃນ​ຂະນະ​ທີ່ ​ເສດຖະກິດ​ ຕະຫລາດ​ ເກີດ​ໃໝ່ ​ແລະ ປະ​ເທດ​ພວມ​ພັດທະນາ ຈະ​ຫລຸດ​ລົງ 2,5% ​ ​ເປັນ​ຕົວ​ເລກ​ຫລຸດ​ລົງ​ຄັ້ງທຳ​ອິດ ຂອງ​ກຸ​່ມດັ່ງກ່າວ ​ໃນ​ຮອບ 60 ປີ./.

ເນື້ອໃນ: ຂປລ

error: ເນື້ອຫາໄດ້ຮັບການປົກປ້ອງ !!