ບໍ່ໜ້າເຊື່ອ! ຄູໜຸ່ມຟິລິບປິນໜ້າອ່ອນກວ່າໄວ ຈົນຄົນທົ່ວໄປຄິດວ່າເປັນເດັກນ້ອຍນັກຮຽນ

ສຳນັກຂ່າວທ້ອງຖິ່ນ ຂອງຟິລິບປິນ ໄດ້ສຳພາດ Ian Francis Manga ຄູໜຸ່ມໄວ 23 ປີ ເຊິ່ງສອນໃນລະດັບຊັ້ນອະນຸບານ ຂອງໂຮງຮຽນ Mater El-Roi School Inc. ເມືອງຊານໂຮເຊເດລມອນເຕ ປະເທດຟິລິບປິນ.
ຄູໜຸ່ມຄົນນີ້ ສ້າງຄວາມຮືຮາ ດ້ວຍຄວາມທີ່ມີຮ່າງກາຍ ແລະ ໃບໜ້າທີ່ອ່ອນກວ່າໄວຫຼາຍ ເຮັດໃຫ້ ເຂົ້າໃຈຜິດກັນຫຼາຍເທື່ອວ່າ ລາວເປັນນັກຮຽນຊັ້ນອະນຸບານ ຫຼາຍກວ່າຄູສອນ.

ເຊິ່ງມີຄວາມສູງ 163 ຊັງຕີແມັດ ເລົ່າໃຫ້ຜູ້ສື່ຂ່າວທ້ອງຖິ່ນ ຟັງວ່າ ຕົນເອງນັ້ນເປັນຄົນ ຂີ້ພະຍາດ, ປ່ວຍງ່າຍ ແລະ ລາວກໍເຊື່ອວ່າ ນັ້ນຄືສາເຫດ ທີ່ເຮັດໃຫ້ພັດທະນາການ ທາງດ້ານຮ່າງກາຍຂອງລາວ ຊ້າກວ່າຄົນທົ່ວໄປ.

ທີ່ຜ່ານມາ ລາວບໍ່ເຄີຍຖືກຄົົນທີ່ແຂງແຮງກວ່າ ຂົ່ມເຫງແຕ່ຢ່າງໃດ. ແຕ່ເຖິງຢ່າງໃດກໍຕາມ ຫຼາຍຄົນແນມ ຫຼື ມີຄຳເວົ້າທີ່ເປັນທາງຢອກລໍ້ ເຮັດໃຫ້ Ian ມີພະລັງທີ່ຈະລົບກິລິຍາໝິ່ນປະໝາດ ເຫຼົ່ານັ້ນລົງ ແລະ ສາມາດຮຽນຈົບເປັນຄູໄດ້ໃນທີ່ສຸດ ແລະ ມັນພິສູດໄດ້ຢ່າງດີວ່າ ແມ່ນແຕ່ຄົົນທີ່ມີພັດທະນາການດ້ານຮ່າງກາຍຊ້າ ຫຼື ບົກຜ່ອງແບບລາວ ກໍສາມາດປະສົບຄວາມສຳເລັດໄດ້.

error: ເນື້ອຫາໄດ້ຮັບການປົກປ້ອງ !!