ອັດຕາການຫວ່າງງານຢູ່ຟີລິບປິນ ​ເພີ່ມສູງຂຶ້ນ​ກວ່າ 17%

ຕາມ​ຂໍ້​ມູນ​ຈາກ ສຳນັກງານ ສະຖິຕິແຫ່ງຊາດ ຂອງຟີລິບປິນ ລາຍງານວ່າ: ປະຊາຊົນໃນ​ປະເທດນີ້ ຂື້ນທະບຽນ ເປັນຜູ້ຫວ່າງງານ 7,3 ລ້ານຄົນ ເມື່ອເດືອນເມສາ ກວມເອົາ ອັດຕາສ່ວນຢູ່ທີ 17,7% ຖືວ່າເປັນສະຖິຕິ ສູງທີ່ສຸດ ​ໃນ​ໄລຍະ​ຜ່ານມາ , ໂດຍອັດຕາການ ຫວ່າງງານ ຂອງຊາວ ຟີລິບປິນ ເມື່ອເດືອນເມສາ ປີກາຍຢູ່ທີ 5,1% ແລະ 5,3%, ເນື່ອງມາຈາກ ຜົນກະ ທົບຈາກ ມາດຕະການ ປິດປະເທດ ເພື່ອຄວບຄຸມ ການແຜ່ລະບາດ ຂອງພະຍາດ ໂຄວິດ-19.

ຂະນະທີ່ ລັດຖະບານ ຟີລິບປິນ ເຊື່ອວ່າ ມາດຕະການ ດັ່ງກ່າວ ຈະເປັນພຽງ ໄລຍະສັ້ນ ເທົ່ານັ້ນ, ຢ່າງໃດ ກໍ່ຕາມ ມາດຕະການນີ້ ຈະມີຜົນ ບັງຄັບໃຊ້ ຕັ້ງແຕ່ກາງເດືອນມີນາ ຜ່ານມາ ແລະ ເລີ່ມມີການຫລຸດຜ່ອນ ບາງສ່ວນຕັ້ງແຕ່ ວັນທີ 1 ມິຖຸນາ ຜ່ານມາ ເພື່ອບັນເທົາ ຄວາມຕຶງຄຽດ ທາງສັງຄົມ ແລະ ເສດຖະກິດ ພາຍໃນປະເທດ.

ຂ່າວ:​ ຂປລ

error: ເນື້ອຫາໄດ້ຮັບການປົກປ້ອງ !!