ຮັກແທ້ 71 ປີ ຄູ່ຜົວເມຍຕາຍໃນມື້ດຽວກັນ

ເລື່ອງລາວຮັກແທ້ຂອງທ່ານເຮີຣເບິຣຕ ເດີໄລເກິລ ອາຍຸ 94 ປີ ແລະນາງມາຣິລິນ ຟຣານ ເດີໄລເກິລ ອາຍຸ 88 ປີ ສາມີພັນລະຍາ ຊາວອາເມຣິກາທີ່ມີຊີວິດສົມຣົດກັນມາດົນເຖິງ 71 ປີ ແລະເສຍຊີວິດໃນວັນດຽວກັນແລະຫ່າງກັນພຽງ 12 ຊົ່ວໂມງ ເລື່ອງລາວຄວາມຮັກຂອງທັງຄູ່ເລີ່ມເມື່ອ 72 ປີກ່ອນ ທີ່ຮ້ານກາເຟນ້ອຍໆ ທີ່ມີຊື່ ໄວຕ ເວີຍ ຄາເຟ ໃນເມືອງເວີຍເນສໂບໂຣ ລັດເວີຈີເນຍ ຊື່ງເປັນທີ່ເຮັດວຽກຂອງນາງຟຣານ.

ທ່ານເຮີຣເບິຣຕເຄີຍໃຫ້ສຳພາດເມື່ອປີທີ່ຜ່ານມາວ່າ ຂ້ອຍເບີ່ງລາວ ເຂົ້າແລະອອກຮ້ານ ດວງຕາຂອງຂ້ອຍເບິ່ງໄປທີ່ລາວ ຈົນໃນທີ່ສຸດ ຂ້ອຍລວບລວມຄວາມກ້າເຂົ້າໄປຖາມລາວວ່າຈະອອກໄປຂ້າງນອກກັບຂ້ອຍໄດ້ບໍ່.

ທັງຄູ່ເລີ່ມອອກເດດຄັ້ງທຳອິດທີ່ໂຮງຮູບເງົາອີກ 1 ປີ ຫລັງຈາກນັ້ນ ທ່ານເຮີຣເບິຣຕຂໍນາງຟຣານເປັນພັນລະຍາ ນາງຟຣານໃຊ້ຊີວິດກັບທ່ານເຮີຣເບິຣຕເປັນເວລາ 6 ປີ ໃນເຢຍລະມັນ ໂດຍທ່ານເຮີຣເບິຣຕເປັນທະຫານໃນຊ່ວງສົງຄາມໂລກຄັ້ງທີ່ 2 ອີກທັງຮ່ວມຮົບໃນຊ່ວງສົງຄາມເຢັນດ້ວຍ ທັງສົງຄາມເກົາຫຼີແລະສົງຄາມຫວຽດນາມ ກ່ອນຈະກະສຽນໂຕເອງຫລັງເຮັດວຽກກັບກອງທັບອາເມຣິກາດົນເຖິງ 22 ປີ

ທ່ານເຮີຣເບິຣຕເສຍຊີວິດເມື່ອເວລາ 2:20 ໂມງ ວັນທີ່ 12 ກໍລະກົດ 2019 ຕາມເວລາທ້ອງຖິ່ນ ແລະນາງຟຣານເສຍຊີວິດເມື່ອເວລາ 14:20 ໂມງ ຂອງວັນດຽວກັນ ທັງຄູ່ມີລູກດ້ວຍກັນ 6 ຄົນ ຫລານ 16 ຄົນ ແລະເຫລນ 25 ຄົນ ແລະ(ລູກຂອງເຫລນ) ອີກ 3 ຄົນ ສ່ວນງານສົບຂອງທັງຄູ່ຈັດຂື້ນເມື່ອ 14 ກໍລະກົດ ທີ່ຜ່ານມາ.

error: ເນື້ອຫາໄດ້ຮັບການປົກປ້ອງ !!