ມີຜູ້ສຳພັດໃກ້ສິດກັບ ທ້າວວຽງໄຊ ຫລາຍເຖິງ 120 ຄົນ

ເມື່ອວັນທີ 30 ເມສາ 2021 ພະແນກ ສາທາລະນະສຸກ ໄດ້ອອກໜັງສືແຈ້ງການ ເພື່ອສືບຕໍ່ຕິດຕາມ ແລະ ຊອກຫາ ທ້າວ ວຽງໄຊ ອາຍຸ 20 ປີ ທີ່ຕິດເຊື້ອພະຍາດໂຄວິດ-19

ໂດຍພະແນກສາທາລະນະສຸກແຂວງ ຜົ້ງສາລີ ແຈ້ງມາຍັງຫົວຫນ້າຫ້ອງການສາທາລະນະສຸກ 7ເມືອງ ທົ່ວແຂວງຊາບວ່າ: ປະຈຸບັນ ທ້າວ ວຽງໄຊ ອາຍຸ 20 ປີ (ບໍ່ຮູ້ນາມສະກຸນ) ຂ່າວເບື້ອງຕົ້ນ ເປັນຄົນ ເມືອງ ຍອດອູ ແຂວງຜົ້ງສາລີ

ເນື່ອງຈາກວ່າ: ຜູ້ກ່ຽວໄດ້ ອອກຈາກນະຄອນຫຼວງວຽງຈັນ ແລ້ວມາເຖີງແຂວງ ອຸດົມໄຊ ວັນທີ 22 ເມສາ 2021 ໄດ້ເກັບຕົວຢ່າງກວດຫາເຊື່ອໂຄວິດ-19ຫຼັງ ຈາກນັ້ນ ບໍ່ເຫັນຜູ້ກ່ຽວເລີຍ, ວັນທີ 23 ເມສາ 2021 ຜົນກວດຊອກຫາເຊື່ອໂຄວິດ-19 ມີຜົນ(+)

ໄລຍະຜ່ານມາ ໄດ້ປະສານກັບພາກສ່ວນທີ່ກ່ຽວຂ້ອງຂອງ ເມືອງ ຍອດອູ ແລ້ວແຕ່ກໍ່ພົບວ່າມີຊື່ ທ້າວ ວຽງໄຊ ທີ່ເດີນທາງມາຈາກນະຄອນຫຼວງວຽງຈັນ

ເມື່ອເປັນແນວນັ້ນ ຈື່ງແຈ້ງມາຍັງຫ້ອງການສາທາລະນະສຸກ 7 ເມືອງ ໃຫ້ປະສານສົມທົບກັບພາກສ່ວນທີ່ກ່ຽວຂ້ອງແລ້ວສືບຕໍ່ ຕິດຕາມ ແລະ ຊອກຫາ ຊື່ທ້າວ ວຽງໄຊ ຕາມຂໍ້ມູນຂ້າງເທີງ ເຊິ່ງແມ່ນຄົນເມືອງໃດເມືອງໜື່ງ ຫຼື ບ້ານໃດບ້ານໜຶ່ງຂອງ ແຂວງ ຜົ້ງສາລີ

ຖ້າພົບເຫັນຜູ້ກ່ຽວ ຕາມຂໍ້ມູນດັ່ງກ່າວ ໃຫ້ແຈ້ງຫາຄະນະຮັບຜິດຊອບສະເພາະກິດໂດຍດ່ວນ,

ຈົນມາຮອດວັນທີ 2 ພຶດສະພາ 2021 ຈຶ່ງພົບເຫັນ. ທ. ວຽງໄຊ ທີ່ຕາມຫາ ວ່າແມ່ນຄົນຜົ້ງສາລີນັ້ນ ພົບເຫັນຜູ້ກ່ຽວ ໄປພັກນຳພີ່ນ້ອງ ຢູ່ບ້ານກໍນ້ອຍ, ເມືອງໄຊ, ແຂວງອຸດົມໄຊ. ຜູ້ກ່ຽວເປັນໄຂ້ ແລະໄປຫາສຸກສາລາບ້ານກໍນ້ອຍ ແລ້ວຈິງຮູ້ວ່າແມ່ນ ທ້າວ ວຽງໄຊ ທີ່ເພີ່ນຕາມຫາ ແລ້ວຈິງໂທຄະນະສະເພາະກິດໄປຮັບຜູ່ກ່ຽວໄປປິ່ນປົ່ວ

ຕາມທີໄດ້ຮູ້ຂໍ້ມູນ ຜູ້ຕິດເຊື້ອເປັນຄົນຊົນເຜົ່າ ເວົ້າລາວບໍ່ໄດ້ປາ່ນໃດ ບໍ່ຮູ້ຫນັງສືອີກ ຜູ້ກ່ຽວຕົວະຊື່ເວລາເກັບຕົວຢ່າງ ຕອນໃຫ້ຂໍ້ມູນຊື່ ທ. ວຽງໄຊ
ບາດຊື່ແທ້ແມ່ນ ຊື່ ແກ້ວ ແລະ ມີອີກຊື່ຫນື່ງແມ່ນ ອາສານ, ດ້ວຍເຫດນີ້ເຮັດໃຫ້ຜູ້ກ່ຽວອ່ານຫນັງສືບໍ່ອອກເລີຍບໍ່ຮູ້ວ່າທາງການປະກາດຫາເຈົ້າຂອງ , ແລະ ແຟນຂອງລາວກໍບໍ່ຮູ້ວ່າລາວປ່ຽນຊື່ ເຫັນທາງການປະກາດຊອກຫາຄົນຕິດເຊື້ອກໍເລີຍບໍ່ຮູ້ວ່າແມ່ນ ແຟນຕົວເອງ

error: ເນື້ອຫາໄດ້ຮັບການປົກປ້ອງ !!