ຫລັງຈາກກັກຕົວເອື້ອຍຮັກ ກໍລະນີ 59 ຄົບ 14 ວັນ ແມ່ນຈະຖືກດຳເນີນຄະດີຕາມລະບຽບກົດໝາຍ ສປປ ລາວ

ທ່ານ ພັອ ສາຍສະໝິງ ສີວິໄລ ຫົວໜ້າກົມຕຳຫລວດກວດຄົນເຂົ້າ-ອອກເມືອງ ໃຫ້ຮູ້ວ່າ ທາງເຈົ້າໜ້າທີ່ຝ່າຍລາວ ໄດ້ໄປຮັບເອົາ ນາງ ພາວະດີ ວິພາກອນ (ຕຸກຕິກ) (ເອື້ອຍຮັກ ກໍລະນີຜູ້ຕິດເຊື້ອ 59) ກັບຄືນ ສປປ ລາວຊຶ່ງຜູ້ກ່ຽວໄດ້ລັກລອບເດີນທາງເຂົ້າ-ອອກ ສປປ ລາວ ແລະ ຮ່ວມກັບ ກໍລະນີທີ 59 ເດີນທາງໄປສະຖານທີ່ຊຸມຊົນຕ່າງໆໃນລາວ, ຊຶ່ງອາດເປັນໜຶ່ງໃນສາເຫດ ໃນການນໍາເອົາເຊື້ອພະຍາດ ໂຄວິດ-19 ມາແຜ່ລາມຢູ່ ສປປ ລາວ; ສາເຫດທີ່ຕ້ອງນຳຜູ້ກ່ຽວກັບຄືນມາ ສປປ ລາວ ແມ່ນຜູ້ກ່ຽວເອງ ເປັນປະຊາຊົນລາວ ຊຶ່ງພວກເຮົາຕ້ອງໄດ້ເອົາຜູ້ກ່ຽວມາດຳເນີນຄະດີຕາມກົດໝາຍ ໂດຍສະເພາະແມ່ນກົດໝາຍວ່າດ້ວຍການເຂົ້າ-ອອກ ສປປ ລາວ, ທັງນີ້ ເມື່ອນຳມາແລ້ວ ພວກເຮົາກໍຈະໄດ້ດຳເນີນການສືບສວນ-ສອບສວນ ຊຶ່ງຖ້າຜິດ ຫຼື ຂັດກັບກົດໝາຍວ່າດ້ວຍສາທາລະນະສຸກ, ກໍຈະໄດ້ດຳເນີນໄປຕາມກົດໝາຍນັ້ນ; ສຳລັບກົດໝາຍອື່ນໆ ທີ່ຜູ້ກ່ຽວເປັນສາເຫດ ຫຼື ຕົ້ນຕໍເອົາເຊື້ອພະຍາດມາແຜ່ລະບາດ ຢູ່ ສປປ ລາວ ກໍຕ້ອງໄດ້ດຳເນີນຕາມກົດໝາຍເຊັ່ນດຽວກັນ.

ເຊິ່ງຄະນະສະເພາະກິດຂັ້ນກະຊວງ ແລະ ສູນກາງໄດ້ນຳຕົວຜູ້ກ່ຽວໄປຈຳກັດບໍລິເວນໃຫ້ຄົບ 14 ວັນ ເພື່ອຕິດຕາມອາການວ່າບໍ່ມີເຊື້ອໂຄວິດ-19 ແລ້ວ ແລະ ບໍ່ນຳເຊື້ອໄປແພ່ໃສ່ບ່ອນອື່ນອີກ.

ພ້ອມນີ້, ຫລັງຈາກຈຳກັດບໍລິເວນຜູ້ກ່ຽວຄົບ 14 ວັນ ແລ້ວ ທາງເຈົ້າໜ້າທີ່ແມ່ນຈະໄດ້ດຳເນີນຄະດີຜູ້ກ່ຽວຕາມກົດໝາຍລະບຽບການ ກໍຄືກົນໄກຂະບວນການຍຸຕິທໍາຂອງ ສປປ ລາວ, ເຊິ່ງການກະທໍາຂອງຜູ້ກ່ຽວແມ່ນຄວາມຜິດທີ່ເຂົ້າ-ອອກເມືອງ ແບບຜິດກົດໝາຍ ແລະ ພາຄົນຕ່າງປະເທດເຂົ້າເມືອງແບບຜິດກົດໝາຍ ໂດຍລະເມີດກົດໝາຍວ່າດ້ວຍການເຂົ້າ-ອອກ ແລະ ການຄຸ້ມຄອງຄົນຕ່າງປະເທດ ຢູ່ ສປປ ລາວ ເລກທີ 59 ລົງວັນທີ 26 ທັນວາ 2014, ນອກນັ້ນກໍຍັງນຳເອົາເຊື້ອພະຍາດມາແພ່ລາມໃນ ສປປ ລາວ ເຊິ່ງເປັນການລະເມີດກົດໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່, ປະມວນກົດໝາຍອາຍາ ມາດຕາ 128-199 ແລະ ກົດໝາຍ ລະບຽບການອື່ນໆທີ່ກ່ຽວຂ້ອງ.

error: ເນື້ອຫາໄດ້ຮັບການປົກປ້ອງ !!