ຂີ່ສະເກັດ 3.600ກິໂລ ລະດົມທຶນສ້າງສວນ ສະເກັດ ຢູ່ ສປປ ລາວ.

ສຸດຍອດ ຊາຍໜຸ່ມ ຈາກດິນແເດນ ຈິງໂຈ້ ປະເທດ ອົດສະຕຣາລີ ກາຍເປັນຊາຍໜຸ່ມຄົນທໍາອິດຂອງໂລກ ທີ່ຂີ່ສະເກັດ ລະດົມທຶນ ໃນໄລຍະທາງຍາວທີ່ສຸດໃນໂລກ 3.600 ກິໂລແມັດ ເພື່ອລະດົມທຶນ ສ້າງສວນ ສະເກັດ ຢູ່ ສປປ ລາວ.

ທ່ານ Tom Drury ຂີ່ສະເກັດ ໄປຕາມແຄມຝັ່ງທະເລ ແຕ່ລັດ Melbourne ໄປຫາລັດ Cairns ປະເທດອົດສະຕຣາລີ, ໂດຍສາມາດລະດົມທຶນໄດ້ຮອດ 35.000 ໂດລ້າອົດສະຕຣາລີ ຊຶ່ງງົບປະມານ ທີ່ລະດົມໄດ້ ຈະນໍາໄປສ້າງ ສວນສະເກັດ (Skatepark) ຢູ່ ສປປ ລາວ.

ທ່ານ Tom ມັກຊີວິດທີ່ຮຽບງ່າຍ ແລະ ເຄີຍມາເຮັດວຽກ ຢູ່ ສປປ ລາວ. ທ່ານສັງເກດເຫັນວ່າ ກິລາສະເກັດ ເລີ່ມໄດ້ຮັບຄວາມນິຍົມ ຢູ່ລາວ ແຕ່ສະຖານທີ່ຫຼິ້ນ ທີ່ມີຄວາມປອດໄພ ແມ່ນຍັງບໍ່ມີຫຼາຍ.

ເມື່ອກັບຮອດປະເທດ ອົດສະຕຣາລີ ລາວຈຶ່ງຕັດສິນໃຈ ອອກຈາກວຽກ ແລະ ເລີ່ມຕົ້ນຕາມຫາ ສິ່ງທີ່ລາວມັກ ໂດຍການຂີ່ສະເກັດ ແລະ ລະດົມທຶນ ເພື່ອນໍາໄປສ້າງ ສວນສະເກັດ ຢູ່ ສປປ ລາວ.

ທີ່ມາ: 9 News
ແລະ ExplorersWeb

error: ເນື້ອຫາໄດ້ຮັບການປົກປ້ອງ !!