ລຸງອາຍຸ 58 ປີ ແຕ່ງງານກັບສາວລຸ່ນລູກອາຍຸ 19 ປີ ຍ້ອນຖືກແມ່ເຈົ້າສາວປະຕິເສດເລີຍຍົກລູກສາວໃຫ້ແທນ

ເມື່ອວັນທີ່ 9 ເດືອນ ເມສາ ປີ 2021 ທີ່ຜ່ານມາເວັບໄຊ້ຂ່າວສົດລາຍງານວ່າ ການແຕ່ງງານຂອງຍິງຊາຍຄູ່ໜື່ງທີ່ເປັນສຽງຮືຮາໄປທົ່ວໂລກອອນລາຍ ຈາກກໍລະນີງານແຕ່ງງານຂອງລຸງຊາວອິນໂດເນເຊຍ ອາຍຸ 58 ປີ ທີ່ໄດ້ເຂົ້າພິທີແຕ່ງງານກັບສາວລຸ່ນລູກ ອາຍຸ 19 ປີ ຫຼັງຈາກທີ່ແມ່ເຈົ້າສາວປະຕິເສດທີ່ຈະແຕ່ງງານກັບລຸງຄົນນີ້ ແລະ ສະເໜີໃຫ້ລູກສາວຂອງລາວໃຫ້ແຕ່ງງານແທນ

ເຊີ່ງເຈົ້າບ່າວມີຊື່ວ່າ ໂບຣາ ເປັນຊາຍໂສດທີ່ອາໃສຢູ່ຄົນດຽວມາດົນ ສ່ວນເຈົ້າສາວນັ້ນມີຊື່ວ່າ ຟາລິວລາ ເຊີ່ງເປັນລູກສາວກົກໃນບັນດາເອື້ອຍນ້ອງ 3 ຄົນ ພິທີແຕ່ງງານໄດ້ຈັດຂື້ນໃນວັນທີ່ 7 ເດືອນ ເມສາ ທີ່ຜ່ານມາ ໃນເຂດ ບອນໂຕຄານິ ແຂວງ ຊູລາເວຊີໃຕ້ ຂອງປະເທດ ອິນໂດເນເຊຍ

ເຊີ່ງເຈົ້າບ່າວໄດ້ສະເໜີຄ່າສິນສອດ 10 ລ້ານຣູເປຍ ຫຼື ປະມານ 7,000,000 ກີບ ແລະ ທີ່ດິນອີກ 7 ໄຮ່ໃຫ້ກັບເຈົ້າສາວ ໂດຍງານນີ້ນາຍບ້ານອອກມາຢືນຢັນວ່າການແຕ່ງງານເທື່ອນີ້ເປັນການຍິນຍອມຂອງທັງຄູ່ ແລະ ຄອບຄົວຂອງທັງສອງຝ່າຍ ງານແຕ່ງເທື່ອນີ້ຈື່ງເກີດຂື້ນຢູ່ໃນພື້ນຖານຄວາມຮັກຂອງທັງຄູ່ ແລະ ເຈົ້າສາວກໍ່ຍິນດີຈະດູແລສາມີທີ່ມີອາຍຸຫຼາຍແລ້ວໄປຈົນກວ່າຄວາມຕາຍຈະມາພາກພວກເຂົາອອກຈາກກັນ

error: ເນື້ອຫາໄດ້ຮັບການປົກປ້ອງ !!