ໜັກໜ່ວງ ໂຄວິດສາຍພັນອັງກິດສືບຕໍ່ແຜ່ເຊື່ອໃນປະເທດໄທ ມື້ດຽວຕິດເຊື່ອ 781ຄົນ.

ສະຖານະການ ການແຜ່ລະບາດ ຂອງໂຄວິດ-19 ໃນປະເທດໄທ ເລີ່ມມີຄວາມນ່າເປັນຫ່ວງ ພາຍຫຼັງ ຍອດຜູ້ຕິດເຊື້ອໃໝ່ຕໍ່ມື້ ເພີ່ມສູງຂຶ້ນຢ່າງຕໍ່ເນື່ອງ.

ຫຼ້າສຸດ ໃນວັນທີ 10 ເມສາ 2021 ມີຕົວເລກຜູ້ຕິດເຊື້ອ ພາຍໃນປະເທດໄທ ພາຍໃນມື້ດຽວ ສູງຂຶ້ນເປັນ 781 ຄົນ ແລະ ເສຍຊີວິດເພີ່ມອີກ 1 ຄົນ.

ໂດຍສາຍພັນໂຄວິດ ທີ່ລະບາດໃນຮອບໃໝ່ນີ້ ເປັນສາຍພັນ ຈາກປະເທດອັງກິດ ທີ່ມີຄວາມສາມາດ ເຮັດໃຫ້ການຕິດເຊື້ອງ່າຍຂຶ້ນ ແລະ ຕິດເຊື້ອໄດ້ໄວ ກ່ວາ ສາຍພັນທົ່ວໄປ ເຖິງ 1.7 ເທົ່າ.

ສະຖານະການ ການແຜ່ລະບາດນີ້ ຄາດວ່າ ຈະຍັງມີແນວໂນ້ມ ເພີ່ມຂຶ້ນສູງ ໃນຕໍ່ໜ້າ ເນື່ອງຈາກເກີດການລະບາດໃໝ່ ໃນໄລຍະ ເທດສະການປີໃໝ່ຂອງໄທ ຊຶ່ງມີການເດີນທາງກັບພູມລໍາເນົາ ຂອງປະຊາກອນ ໃນປະເທດ ເປັນຈໍານວນຫຼວງຫຼາຍ.

Manager

error: ເນື້ອຫາໄດ້ຮັບການປົກປ້ອງ !!