ຄົນດີບໍ່ໄດ້ມີແຕ່ໃນນິຍາຍ ທ້າວທອງຄູນ ໄຊຍະວົງ ຜູ້ທີ່ທ່ານ ຈູມມະລີ ຖືວ່າເປັນຮີໂຣ້ໃນເຫດເຮືອປີ້ນ

ຊາຍຜູ້ນີ້ມີນາມວ່າ: ທ້າວທອງຄູນ ໄຊຍະວົງ, ອາຍຸ 28 ປີ, ບ້ານຫ້ວຍປຸ່ງ, ເມືອງແກ້ວອຸດົມ, ແຂວງວຽງຈັນ. ເປັນໜຶ່ງໃນບຸກຄົນສຳຄັນໃນການຊ່ວຍເຫລືອຜູ້ປະສົບເຄາະຮ້າຍເຮືອປີ້ນທີ່ ແດນສະຫວັນເຂດອ່າງນ້ຳງື່ມໃນວັນທີ 04/04/2021 ທີ່ຜ່ານມາ.
ອີງຕາມລາວໃຫ້ສຳພາດໄວ້ວ່າ:

ຕົນເອງໄດ້ຂີ່ເຮືອຫາປາຢູ່ບໍລິເວນດັ່ງກ່າວໄດ້ຍິນຄົນເວົ້າວ່າມີເຮືອໃຫ່ຍປີ້ນ, ກໍເລີຍຟ້າວໄປທີ່ຈຸດເກີດເຫດດັ່ງກ່າວ ແລ້ວກໍອາສາສະຫມັກຕົວເອງໂດດລົງນ້ຳຊ່ວຍເຫລືອໂດຍທັນທີ (ລາວບໍ່ມີອຸປະກອນຊ່ວຍດຳນ້ຳໃດໆ ແລະ ຕອນທີ່ລົງໄປຊ່ວຍກໍບໍ່ຮູ້ວ່າແມ່ນເຮືອຂອງໃຜທີ່ລົງໄປຊ່ວຍກໍຊ່ວຍດ້ວຍຄວາມເຕັມໃຈ) . ລາວຈື່ໄດ້ວ່າລາວຊ່ວຍໄດ້ທັງຫມົດ 08 ຄົນ, ໃນຈຳນວນດັ່ງກ່າວນັ້ນແມ່ນມີແຕ່ ທ່ານ ຈູມມະລີ ໄຊຍະສອນ ພຽງຄົນດຽວທີ່ປອດໄພ.

ມາຮອດວັນທີ 07/04/2021 ທ່ານເຈົ້າເມືອງພ້ອມຄະນະ ແນວໂຮມແຂວງພ້ອມຄະນະໄດ້ນຳພາທຳພິທີແກ້ເຈົ້າພູມເຈົ້າທີ່ ທີ່ໄດ້ບະບົນເອົາສົບຢູ່ເຮືອເກີດອຸປະຕິເຫດ ຖືວ່າບໍມີອັນຂ້ອງອັນຄາ ແລະ ໄດ້ມັດແຂນເອີ້ນຂັວນເອົາ ທ້າວ ທອງຄູນ ຜູ້ທີ່ຖືວ່າເປັນຮີໂຣ້ໃນເຫດການນີ້.

ໃນເວລາຕອນຄ່ຳຂອງວັນທີ 07/04/2021 ທ້າວ ທອງຄູນ ໄຊຍະວົງ ພ້ອມດ້ວຍຄອບຄົວກໍໄດ້ເດີນທາງມາຮ່ວມພິທີຊາປະນະກິດສົບທີ່ສະໂມສອນຂອງກະຊວງປ້ອງກັນປະເທດ ແລະ ໄດ້ຕັ້ງໃຈວ່າຊິບວດເພື່ອສົ່ງດວງວິນຍານຂອງຜູ້ເສຍຊີວິດໃຫ້ໄປສູ່ສຸຂະຕິອີກດ້ວຍ.

.

ສັງຄົມລາວຍັງຫນ້າຢູ່ເພາະຍັງບໍ່ສິ້ນຄົນດີ

ແອັດມິນຂໍຊົມເຊີຍໃນຄວາມມີນ້ຳໃຈເສຍສະຫລະຂອງທ້າວທອງຄູນຈາກໃຈຈິງ

.

ຄົນເຮັດດີຕ້ອງສົ່ງເສີມ👍👍👍

error: ເນື້ອຫາໄດ້ຮັບການປົກປ້ອງ !!