ທຸລະກິດຮັບຈ້າງສາບແຊ່ງ ໄດ້ຮັບຄວາມນິຍົມໃນຮົງກົງ

ທ່າມກາງວິກິດການແຜ່ລະບາດຂອງໂຄວິດ-19 ສົ່ງຜົນໃຫ້ຫລາຍພາກສ່ວນໄດ້ຮັບຜົນກະທົບໄປຕາມກັນ ການຫັນມາເພີ່ງໄສຍາສາດອາດເປັນຫນື່ງໃນທາງອອກຂອງພວກເຂົາ

ການຕີລ້າງແຄ້ນ ຫລື ຕ່າຫລ່ຽວເຫຣິນ ໃນພາສາຈີນເປັນພິທີກຳຍອດຮິດໃນຮົງກົງຖືກຈັດໃຫ້ເປັນມໍລະດົກພູມປັນຍາທາງວັດທະນະທຳ ຫລື ມໍລະດົກທາງວັດທະນະທຳທີ່ຈັບຕ້ອງບໍ່ໄດ້ຈາກຢູເນສໂກ ສືບທອດກັນມາຈາກປະເພນີບູຮານໃນສັງຄົມກະເສດຕະກຳໃນກວາງຕຸ້ງ

ພິທີກຳດັ່ງກ່າວມັກເຮັດໂດຍຍິງຊະລາ ໂດຍການທ່ອງຄາຖາອາຄົມເພື່ອສາບແຊ່ງສັດຕູ ປັດເປົ່າສິ່ງຊົ່ວຮ້າຍ ແລະໂລກໄພໄຂ້ເຈັບຕ່າງໆ ໂດຍສັດຕູໃນທີ່ນີ້ຫມາຍເຖິງສັດຕູທັງທີ່ເປັນບຸກຄົນບໍ່ວ່າຈະເປັນຄູ່ແຂ່ງ ເຈົ້ານາຍ ເພື່ອນຮ່ວມງານ ແຟນເກົ່າ ຫລືກະທັ້ງນັກການເມືອງ ຕະຫລອດຈົນສັດຕູທີ່ມາໃນຮູບແບບນາມມະທຳຢ່າງເຊັ່ນໂຊກຮ້າຍຫລືພາວະຕົກງານໃນຊ່ວງໂຄວິດ-19

ໃນເຂດຄອສເວ ເບຍນອກຈາກຈະເປັນສູນກາງການຄ້າປີກອັນແສນຖືກຄຶກຄັກຂອງຮົງກົງແລ້ວ ຍັງເປັນແຫຼ່ງທຳເລທອງຂອງບັນດາແມ່ຫມໍອີກດ້ວຍ ຫນື່ງໃນນັ້ນຄືປ້າຫລ່ຽງ ອາຍຸ 58 ປີ ລາວນັ່ງຢູ່ຫນ້າສານເຈົ້າທີ່ເຕັມໄປດ້ວຍຮູບປັ້ນເທບເຈົ້າ ແລະເທບທິດາພ້ອມເຄື່ອງສັກກະລະບູຊາທັງທູບ ແລະຫມາກໄມ້ນານາຊະນິດ ມືຫນື່ງຖືຕຸກກະຕາເຈ້ຍວາງໄວ້ເທີງແທ່ນດິນຈີ່ ອີກມືຫນື່ງຖືເກີບເລັງໄປທີ່ຕຸກກະຕາໂຕນັ້ນ ແລະທຸບຕີຢ່າງບໍ່ຍັ້ງມືພ້ອມທ່ອງຄາຖາສາບແຊ່ງເປັນພາສາຈີນກວາງຕຸ້ງ

ລາວຂຽນບາງຢ່າງລົງເທີງເຈ້ຍດ້ວຍກ້ານຮູບ ທ່ອງຄາຖາພຶມພຳກ່ອນທີ່ຈະສົ່ງໃຫ້ລູກຄ້າໂດຍກ່າວວ່າ ເກັບໄວ້ແລ້ວຈະແຄ້ວຄາດປອດໄພຈາກໂຄວິດ-19

ນອກຈາກນີ້ຍັງມີປ້າຫຍົງ ອາຍຸ 58 ປີ ຫນື່ງໃນແມ່ຫມໍໃນເຂດຄອສເວ ເບ ລາວກ່າວວ່າໃນຊ່ວງສະຖານະການປົກກະຕິລາວມີລູກຄ້າຫລາຍຫມື່ນຄົນ ພວກເຂົາມັກຂໍໃຫ້ລາວຊ່ວຍປັດເປົ່າບັນຫາຕົກງານ ແລະບັນຫາສຸຂະພາບ

ອີກຄົນຫນື່ງຄືປ້າຫຣົງ ເລົ່າວ່າລາວເລີ່ມເຮັດອາຊີບນີ້ມາຕັ້ງແຕ່ອາຍຸ 13 ແມ່ນວ່າເຂດນີ້ຈະເຕັມໄປດ້ວຍຜູ້ຄົນທີ່ຍ່າງຜ່ານໄປຜ່ານມາເພາະເປັນເຂດຊ໊ອບປິ້ງທີ່ຄຶກຄັກທີ່ສຸດໃນຮົງກົງ ແຕ່ລາວກໍ່ຍັງມີລູກຄ້າແວະວຽນມາຢູ່ສະເຫມີແລະຍັງມີລູກຄ້າທີ່ຢູ່ໃນຕ່າງປະເທດອີກດ້ວຍ

ປ້າຫຣົງເຜີຍວ່າຕອນນີ້ລາວກຳລັງຝຶກແມ່ຫມໍຮຸ່ນໃຫ່ມຢູ່ 2 ຄົນ ແລະພວກເຂົາຫາກໍ່ອາຍຸພຽງ 20 ປີເທົ່ານັ້ນ ຍິ່ງທຸລະກິດຮັບສາບແຊ່ງໄດ້ຮັບຄວາມນິຍົມເທົ່າໃດກໍ່ຍິ່ງສະທ້ອນວ່າຜູ້ຄົນມີຄວາມໂກດແຄ້ນຢູ່ໃນໃຈຫລາຍເທົ່ານັ້ນ ເພາະມັນເປັນທາງອອກທີ່ເຮັດໃຫ້ພວກເຂົາໄດ້ລະບາຍຄວາມຄັບແຄ້ນ ແລະສະບາຍໃຈຂື້ນບໍ່ຫລາຍກໍ່ຫນ້ອຍ

error: ເນື້ອຫາໄດ້ຮັບການປົກປ້ອງ !!