ຫິມະຕົກໜັກ ໃນ ສ.ເກົາຫລີ ເສຍຊີວິດ-ບາດເຈັບເກືອບ 70 ຄົນ

ຂປລ.ຕາມຂ່າວສານ ຫວຽດນາມ, ວັນທີ 2 ມີນາ, ເຈົ້າໜ້າທີ່ ສ.ເກົາຫລີ ໃຫ້ຮູ້ວ່າ: ເກີດອຸບັດເຫດ ທາງຄົມມະນາຄົມ 79 ຄັ້ງ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 1 ຄົນ ແລະ ບາດເຈັບ 66 ຄົນ ເນື່ອງຈາກ ຫິມະຕົກໜັກ ທາງພາກ ຕາເວັນອອກ ສ່ຽງເໜືອ ຂອງປະເທດນີ້.

ໂດຍສະເພາະ ແຂວງຄັງວອນ ຫິມະຕົກໜັກ ສູງເຖິງ 90 ຊັງຕີແມັດ ໃນເຂດບໍລິເວນພູ ແລະ 5-20 ຊັງຕີແມັດ ໃນພື້ນທ່ີອື່ນໆ ໃນລະຫວ່າງ ວັນທີ 1-2 ມີນາຜ່າມາ, ເສັ້ນທາງ ຫລາຍສາຍ ຕ້ອງປິດການ ສັນຈອນ, ສົ່ງຜົນໃຫ້ ລົດຫລາຍຮ້ອຍຄັນ ຍັງຕິດຄ້າງຢູ່

ເນື່ອງຈາກ ປິດເສັ້ນທາງ, ບໍລິການ ລົດໂດຍສານ ໃນພື້ນທີ ເຂດພູ ຫລາຍແຫ່ງ ຕ້ອງຢຸດໃຫ້ບໍລິການ ເນື່ອງຈາກ ເປັນອຸປະສັກ ໃນການ ເດີນທາງ ຂອງ ປະຊາຊົນ. ການບໍລິການ ເຮືອບິນ ແລະ ເຮືອຂ້າມຝາກ ທັງໝົດ ຕ້ອງຖືກ ຍົກເລິກ.

ນອກຈາກນັ້ນ, ອຳນາດການປົກຄອງ ແຂວງຄັງວອນ ໄດ້ລະດົມ ພະນັກງານ ຈຳນວນ 1.096 ຄົນ ແລະ ເຄື່ອງມືອຸປະກອນ 955 ຊະນິດ ເພື່ອປັດກວາດ ຫິມະໃນແຂວງດັ່ງກ່າວ.

error: ເນື້ອຫາໄດ້ຮັບການປົກປ້ອງ !!