ອາເມລິກາ ຜະເຊີນກັບຄື້ນຄວາມໜາວມີຜູ້ເສຍຊີວິດ30ກວ່າຄົນ

ສຳນັກຂ່າວຕ່າງປະເທດລາຍງານເມື່ອວັນທີ 18 ກຸມພາ 2021 ວ່າ ສຳນັກ​ງານ ​ອຸຕຸນິຍົມ ​ວິທະຍາ​ແຫ່ງ​ຊາດ ຂອງ​ ອາ​ເມ​ລິ​ກາ ປະກາດ​​ ໃນວັນ​ທີ 18​ ກຸມພາ​ນີ້ວ່າ: ອິດ​ທິພົນ ​ຂອງ​ຄື້ນຄວາມ​ໝາ​ວ ຍັງ​ຄົງ​ປົກ​ຄຸມ​ ເປັນ​ບໍລິ​ເວນ​ກວ້າງ​ ຂອງ ອາ​ເມ​ລິ​ກາ ຕະຫລອດ​ ໄລຍະ​ເວລາ ​ເກືອ​ບ 1 ອາທິດ ​ຜ່ານ​ມາ ສົ່ງ​ຜົນ​ໃຫ້​ສະພາບ​ ອາກາດ ​ໜາວ​ເຢັນ​ ​ໃນ​ແບບ​ທີ່ ​​ເກືອບ​ວ່າ ບໍ່​ເຄີຍມີ​ ມາ​ກ່ອນ ລວມທັງ​ ຫິມະ ທີ່​ຕົກລົງ​ມາ ​ຢ່າງ​ໜັກ ​ເຮັດ​ໃຫ້​ມີ​ ຜູ້​ເສຍ​ຊີວິດ 30 ກວ່າ​ຄົນ ສ່ວນ​ໃຫຍ່​ ຢູ່​ໃນ​ລັດ ​ເທັກ​ຊັດ​ສ, ລັດ ​ມິ​ສຊິ​ສຊິ​ບປີ, ລັດ​ລຸຍ​ເຊຍ​ນາ, ລັດ​ເຄນ​ທັກ​ກີ,ລັດ​ມິ​ສຊູຣີ ​ແລະ ລັດ​ນ໋ອດ ​​ແຄ​ໂຣ​​ໄລ​ນາ.

ສຳລັບ​ ພື້ນ​ທີ່​ ໄດ້​ຮັບ​ຜົນ​ກະທົບ​ ໜັກ​ທີ່​ສຸດ ​ແມ່ນ​ລັດ​ເທັກ​ຊັດ​ສ ທີ່​ມີ​ປະຊາກອນ ​ຫລາຍ​ທີ່ສຸດ ​ເປັນອັນ​ດັບ​ທີ່ 2ຂອງ ອາ​ເມ​ລິ​ກາ ​ແລະ ຂໍ​ການ​ຮ່ວມ​ມື​ ໃຫ້​ປະຊາຊົນ ປະມານ 7 ລ້ານ​ຄົນ ກວມ​ເອົາ 25% ​ໃນ​ພື້ນ​ທີ່​ນີ້ ຕົ້ມນ້ຳ​ປະປາ ກ່ອນ​ດື່ມ ​ເພື່ອ​ຄວາມ​ປອດ​ໄພ ​ທາງ​ດ້ານ​ສຸຂະພາບ ​ເນື່ອງ​ຈາກ ​ສະພາບ​ອາກາດ ທີ່​ໜາວ​ເຢັນ​ແຮງ ສ້າງ​ຄວາມ​ເສຍ​ຫາຍ ​ໃຫ້​ກັບ​ລະບົບ ການ​ຈ່າຍ​ ນ້ຳ​ປະປາ ​ແລະ ​ເຕືອນ​ໄພ ​ໃຫ້​ປະຊາຊົນ ​ເພີ່ມ​ຄວາມ ​ລະມັດລະວັງ ​ວ່າ ອຸນຫະພູມ ​ໜາວ​ແຮງ ອາດ​ເຮັດ​ໃຫ້ ​ທໍ່​ນ້ຳ​ປະປາ​ແຕກ ຫລື ​ເຖິງ​ຂັ້ນ ລະ​ເບີດ​ໄດ້.

.

.

.

error: ເນື້ອຫາໄດ້ຮັບການປົກປ້ອງ !!