ປະຊາຊົນບ້ານຜັກຂະຍ່າ ສາມັກຄີກັນສ້າງເສັ້ນທາງເບຕົງເສີມເຫຼັກຜ່ານບ້ານ

ພິທີເປີດການກໍ່ສ້າງເສັ້ນທາງເບຕົງເສີມເຫຼັກ ຜ່ານບ້ານຜັກຂະຍ່າ ເມືອງອາດສະພອນ ແຂວງສະຫວັນນະເຂດ ໄດ້ຈັດຂຶ້ນໃນວັນທີ 15 ກຸມພາ ຜ່ານມານີ້ ໂດຍການເຂົ້າຮ່ວມຂອງທ່ານ ນາງ ບຸນທະລັງສີ ຄຳມະນີວົງ ເຈົ້າເມືອງອາດສະພອນ, ມີບັນທ່ານການນຳຈາກຂະແໜງການຕ່າງໆ ອ້ອມຂ້າງເມືອງ, ບ້ານອ້ອມຂ້າງ, ອົງການປົກຄອງບ້ານ ແລະ ປະຊາຊົນຊາວບ້ານຜັກຂະຍ່າເຂົ້າຮ່ວມ.

ໃນພິທີທ່ານ ທອງສະໝຸດ ລືນາມມະຈັກ ຫົວໜ້າບໍລິສັດ ທີ່ປຶກສາດ້ານພະລັງງານນ້ຳ ນະຄອນ ຫຼວງວຽງຈັນ ຈຳກັດ ໄດ້ຕາງໜ້າ ໃຫ້ການຈັດຕັ້ງ ແລະ ປະຊາຊົນຊາວບ້ານຜັກຂະຍ່າ ໄດ້ລາຍ ງານແຜນການກໍ່ສ້າງເສັ້ນທາງເບຕົງເສີມເຫຼັກວ່າ: ເສັ້ນທາງດັ່ງກ່າວແມ່ນເສັ້ນທາງຫຼວງຂອງເມືອງເດີມ ເປັນທາງປູດ້ວຍດິນແດງຜ່ານໃຈກາງຂອງບ້ານ. ການກໍ່ສ້າງໃນຄັ້ງນີ້, ແມ່ນເຫັນໄດ້ຄວາມຈຳເປັນຂອງພໍ່ ແມ່ປະຊາຊົນພາຍໃນບ້ານ, ແກ້ໄຂຄວາມຫຍຸ້ງຍາກໃນການນຳໃຊ້ເສັ້ນທາງໃນແຕ່ລະປີ ທັງເປັນການ ພັດທະນາບ້ານ, ທັງເປັນການສ້າງຂະບວນການຕ້ອນຮັບວັນເລືອກຕັ້ງ ສສຊ ຊຸດທີ IX, ສສຂ ຊຸດທີ II ທີ່ຈະມາຮອດໃນມໍ່ໆນີ້.

ເສັ້ນທາງດັ່ງກ່າວ, ມີຄວາມຍາວ 630 ແມັດ, ກ້ວາງ 5 ແມັດ, ໜາ 15-18 ຊັງຕີແມັດ, ສາມາດຮັບນໍ້າໜັກໄດ້ 12 ໂຕນ, ຄາດໃຫ້ສຳເລັດກ່ອນລະດູຝົນທີ່ຈະມາເຖິງນີ້, ສ່ວນແຫຼ່ງທຶນ ການກໍ່ສ້າງຂັ້ນຕົ້ນແມ່ນເງິນລວມຂອງບ້ານຈຳນວນ 300 ລ້ານກວ່າກີບ ແລະ ຈະລະດົມການປະ ກອບສ່ວນຈາກສັງຄົມ, ລູກຫຼານຊາວບ້ານຜັກຂະຍ່າທີ່ອາໄສຢູ່ທ້ອງຖິ່ນອື່ນມາປະກອບສ່ວນຊ່ວຍ ພັດທະນາບ້ານຮ່ວມກັນ, ສ່ວນແຮງງານກໍ່ສ້າງແມ່ນປະຊາຊົນຊາວບ້ານສາມັກຄີກັນກໍ່ສ້າງ. ຈາກນັ້ນ, ທ່ານ ເຈົ້າເມືອງຍັງໃຫ້ກຽດຕັດແຖບຜ້າລັ່ນຄ້ອງເກົ້າບາດວາງສີລາລືກໃນການກໍ່ສ້າງທາງຢ່າງ ເປັນທາງການ.

(ຂ່າວ-ພາບ: ເມືອງອາດສະພອນ)

error: ເນື້ອຫາໄດ້ຮັບການປົກປ້ອງ !!