ກົມການເມືອງສູນກາງພັກປະຊາຊົນປະຕິວັດລາວສະໄໝທີ XI

ກອງປະຊຸມໃຫຍ່ຜູ້ແທນທົ່ວປະເທດຂອງພັກປະຊາຊົນປະຕິວັດລາວຄັ້ງທີ XI ໄດ້ປິດລົງດ້ວຍຜົນສໍາເລັດໃນວັນທີ 15 ມັງກອນນີ້ທີ່ນະຄອນຫຼວງວຽງຈັນ, ສະຫາຍ ທອງລຸນ ສິສຸລິດ ໄດ້ຖືກເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ.

ນອກນັ້ນ, ກອງປະຊຸມຍັງໄດ້ເລືອກຕັ້ງຄະນະບໍລິຫານງານສູນກາງພັກປະຊາຊົນປະຕິວັດລາວສະໄໝທີ XI ປະກອບມີກໍາມະການກົມການເມືອງສູນກາງພັກ 13 ສະຫາຍ ຍິງ 2 ສະຫາຍ ມີ: 

1.ສະຫາຍ ປອ ທອງລຸນ ສີສຸລິດ 

2. ສະຫາຍ ປອ ພັນຄໍາ ວິພາວັນ 

3. ສະຫາຍ ນາງ ປານີ ຢາທໍ່ຕູ້

4. ສະຫາຍ ປອ ບຸນທອງ ຈິດມະນີ

5. ສະຫາຍ ປອ ໄຊສົມພອນ ພົມວິຫານ 

6. ສະຫາຍ ພົນເອກ ຈັນສະໝອນ ຈັນຍາລາດ 

7. ສະຫາຍ ປອ ຄໍາພັນ ພົມມະທັດ

8. ສະຫາຍ ປອ ສິນລະວົງ ຄຸດໄພທູນ

9. ສະຫາຍ ສອນໄຊ ສີພັນດອນ

10. ສະຫາຍ ສຈ ປອ ກິແກ້ວ ໄຂຄໍາພິທູນ 

11. ສະຫາຍ ພົນໂທ ວິໄລ ຫຼ້າຄໍາຟອງ

12. ສະຫາຍ ນາງ ສີໃສ ລືເດດມູນສອນ

13. ສະຫາຍ ສະເຫຼີມໄຊ ກົມມະສິດ ກອງປະຊຸມໄດ້ເປັນເອກະສັນກັນເລືອກເອົາສະຫາຍ ບຸນທອງ ຈິດມະນີ ເປັນຜູ້ປະຈໍາການຄະນະເລຂາທິການສູນກາງພັກ ແລະທ່ານ ຄໍາພັນ ພົມມະທັດ ເປັນປະທານຄະນະກວດກາສູນກາງພັກ. 

ຄະນະບໍລິຫານງານສູນກາງພັກປະຊາຊົນປະຕິວັດລາວສະໄໝທີ11ປະກອບມີກໍາມະການສົມບູນສູນກາງພັກຈໍານວນ 71 ສະຫາຍ, ຍິງ 12 ສະຫາຍ, ກໍາມະການສໍາຮອງສູນກາງພັກ 10 ສະຫາຍ, ຍິງ 2 ສະຫາຍ.

ຂໍຂອບໃຈທີ່ມາ: ໜັງສືພິມລາວພັດທະນາ

error: ເນື້ອຫາໄດ້ຮັບການປົກປ້ອງ !!