ເຈົ້າຂອງຄຳນໍ້າໜັກ 3 ບາດ ອອກຕາມຫານ້ອງພົນລະເມືອງດີຮອດໂຮງຮຽນ ແລ້ວມອບເງິນໃຫ້ຕື່ມອີກ 1 ລ້ານກີບ ເພື່ອເປັນທຶນການສຶກສາ

ຜູ້ໃຊ້ເຟສບຸກຊື່ Mueymanh SaeLee ໄດ່ໂພສວ່າ:ໃນຄໍ່າຄືນມື້ເກີດເຫດວັນທີ່ 25/12/2020 ເນື່ອງຈາກວ່າທາງພວກເຮົາບໍ່ໄດ້ເອົາເງິນສົດໄປນຳຫລາຍ, ມີຕິດຖົງພຽງແຕ່ 500.000 ຈຶ່ງສົມມະນາຄຸນນ້ອງນ້ອຍເທົ່ານັ້ນກ່ອນ, ແລະ ໃນມື້ນີ້ພວກເຮົາຈຶ່ງໄປຊອກຫານ້ອງນ້ອຍຈົນພົບແລະໄດ້ມອບເງິນຈຳນວນ 1.000.000 ໃຫ້ກັບນ້ອງເພື່ອເປັນທຶນການສຶກສາ ເງິນຈຳນວນນີ້ກໍ່ບໍ່ສາມາດປະເມີນຄຸນຄ່າຄວາມດີໃນຕົວນ້ອງໄດ້ເລີຍ, ໃນອະນາຄົດຍັງມີການຊ່ວຍເຫຼືອນ້ອງນ້ອຍຄົນດີໄປອີກຍາວນານ.

ເອື້ອຍຂໍຂອບໃຈແລະຊົມເຊີຍໃນຄວາມດີຂອງນ້ອງໃນຄັ້ງນີ້ ຄວາມດີແລະນ້ຳໃຈຂອງນ້ອງແມ່ນບໍ່ສາມາດປະເມີນຄ່າໄດ້, ພວກເຮົາຈະບໍ່ລືມບຸນຄຸນໃນຄັ້ງນີ້ເລີຍ. ທາງຄອບຄົວຂອງພວກເຮົາຮູ້ສຶກຊາບຊື້ງໃນຄວາມດີຂອງນ້ອງນ້ອຍທີ່ສຸດທີ່ມີນ້ຳໃຈຊ່ວຍເຫຼືອເພື່ອນມະນຸດດ້ວຍກັນ, ໃນຄວາມໂຊກຮ້າຍກໍ່ຍັງມີຄວາມໂຊກດີເກີດຂຶ້ນ. ຂໍໃຫ້ຄົນດີໆແບບນ້ອງຈົ່ງພົບເຈີແຕ່ສິ່ງດີໆໃນຊີວິດ ແລະ ຈົ່ງສືບຕໍ່ຮັກສາມູນເຊື້ອເປັນຄົນດີແບບນີ້ຕໍ່ໄປ ຄົນດີໆແບບນີ້ແລະທີ່ສັງຄົມຕ້ອງການ ເຮັດດີຍ່ອມໄດ້ດີ, ໃນອະນາຄົດຂໍໃຫ້ເຈົ້າໄດ້ເປັນເຈົ້າຄົນນາຍຄົນ ຂໍໃຫ້ຈະເລີນຈະເລີນ ບຸນຄ້ຳນ້ຳຊູເດີທ້າວນ້ອຍ.

ນ້ອງເປັນຄົນດີມີນ້ຳໃຈເອື້ອຍເຊື່ອວ່າໃນພາຍພາກໜ້າຄວາມດີຂອງນ້ອງຈະຕອບແທນນ້ອງຄືນຫຼາຍເທົ່າຕົວ.
ແລະອີກບຸກຄົນໜຶ່ງທີ່ບໍ່ກ່າວເຖິງບໍ່ໄດ້ກໍ່ຄືເອື້ອຍ Alin St ທີ່ຊ່ວຍນ້ອງ, ຖ້າບໍ່ມີເອື້ອຍຊ່ວຍຊອກນ້ອງກໍ່ຄົງຈະບໍ່ໄດ້ສາຍແຂນຂອງແມ່ກັບຄືນມາ, ຂອບໃຈເອື້ອຍຄົນງາມອີກຄັ້ງ, ເອື້ອຍເປັນຄົນທີ່ງາມທັງກາຍວາຈາແລະຈິດໃຈ, ຂໍໃຫ້ບຸນຄໍ້ານ້ຳຊູຊື້ໄດ້ຂາຍໝານເຮັງໆລວຍໆເດີເອື້ອຍ.

ຄົນດີຂອງສັງຄົມ

ຂອບໃຈຈາກໃຈຈິງ

ໂຮງຮຽນເດັກກ່ຳພ້າ 

ນ້ອງມີຊື່ວ່າ ທ້າວເມັ່ງວ່າງ ອາຍຸ 14 ປີ ຢູ່ເມືອງນ້ຳບາກ ແລະ ໄດ້ຍ້າຍເຂົ້າມາຮຽນຢູ່ໂຮງຮຽນເດັກກໍ່າພ້າ ແຂວງຫຼວງພະບາງ ປັດຈຸບັນຮຽນຢູ່ ມ.2.
ຂໍຂອບໃຈມາຍັງທ່ານຮອງອຳນວຍການ (ທ່ານ ອຈ. ຄຳແສງ ໜໍ່ສະຫວັນ)ແລະອາຈານທຸກໆທ່ານທີ່ສະລະເວລາແລະອຳນວຍຄວາມສະດວກແກ່ພວກຂ້າພະເຈົ້າໃນຄັ້ງນີ້.

error: ເນື້ອຫາໄດ້ຮັບການປົກປ້ອງ !!