ວັກຊີນຕ້ານພະຍາດໂຄວິດ-19 ທີ່ໄດ້ຮັບການຊ່ວຍເຫຼືອຈາກຕ່າງປະເທດ ຈະມາຮອດລາວໃນເດືອນເມສາ 2021

ໜັງສືພິມວຽງຈັນທາຍໄດ້ລາຍງານວ່າ: ທ່ານ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກໄດ້ກ່າວຕໍ່ທີມງານວຽງຈັນທາຍເມື່ອວັນທີ 22 ທັນວາ 2020 ທີ່ຜ່ານມາວ່າ, ກ່ຽວກັບຢາວັກຊີນຕ້ານພະຍາດໂຄວິດ-19 ທີ່ໄດ້ຮັບການຊ່ວຍເຫຼືອຈາກຕ່າງປະເທດຈະມາຮອດລາວໃນເດືອນເມສາ 2021 ນີ້

ຊຶ່ງຈໍານວນຢາດັ່ງກ່າວແມ່ນຈະໃຊ້ສັກປ້ອງກັນພະຍາດໂຄວິດ-19 ໃຫ້ກັບກຸ່ມສ່ຽງທີ່ເປັນແຖວໜ້າທີ່ມີຄວາມສ່ຽງສູງທີ່ຈະຕິດພະຍາດນີ້ໂດຍກົງເຊັ່ນ:

ແພດໝໍ, ເຈົ້າໜ້າທີ່ຢູ່ປະຈໍາຕ່າງໆ, ຄະນະສະເພາະກິດທີ່ເຮັດວຽກກ່ຽວກັບພະຍາດນີ້ ຊຶ່ງໂດຍລວມແລ້ວຢາວັກຊີນທີ່ລາວຈະໄດ້ຮັບໃນເດືອນເມສານີ້ ຈະສາມາດໃຊ້ສັກຕ້ານພະຍາດນີ້ກວມປະມານ 20 % ຂອງປະຊາກອນລາວທັງໝົດ.

error: ເນື້ອຫາໄດ້ຮັບການປົກປ້ອງ !!