ແອນ້ອຍຖືກລົດຕຳເຮັດໃຫ້ກະທົບຫົວຮຸນແຮງຕ້ອງການຄວາມຊ່ວຍເຫຼືອ

ຈາກຜູ່ໃຊ້ເຟສບຸກ “ໃຫ່ຍ ນ້ອຍນ້ອຍ” ໄດ້ໂພສວ່າ 1share ຂອງທ່ານມີຄວາມໝາຍຫຼາຍສຳລັບຄອບຄົວນີ້ ຢ່າຝ້າວເລື່ອນຜ່ານ ໃຜມີນຳ້ໃຈເລັກໆນ້ອຍໆຂໍຊ່ວຍເພື່ອນມະນຸດນຳກັນແນ່ ຄົນລະເລັກລະຫນ້ອຍກະຍັງດີ ນາງ ບົວຈັນ ໂສພາວັນດີ ແລະ ແມ່ຂອງລາວ(ແມ່ຕູ້) ພ້ອມດ້ວຍລູກນ້ອຍຂອງລາວເອງ ອາຍຸໄດ້ 10 ເດືອນປາຍ ອາໃສຢູ່ ບ້ານໂຊກນ້ອຍ ເມືອງໄຊເສດຖາ ນະຄອນຫຼວງວຽງຈັນ.

ເກີດອຸບັດ ລົດຕຳ ໃນວັນທີ 13/12/2020 ຕອນນີ້ເດັກນ້ອຍອາການສາຫັດ(ເລືອດຄ້າງໃນສະໝອງ ອາດຈະໄດ້ຜ່າຕັດ) ສ່ວນຜູ້ເປັນແມ່ (ແມ່ຕູ້)ຂາຂວາຫັກ ແລະ ຫົວແຕກ(ໄດ້ເຂົ້າຫ້ອງຜ່າຕັດ). ນາງ ບົວຈັນເອງແມ່ນ ຊໍ້າໃນ ມີອາການ ເຈັບຫົວ ແລະ ຫາກ. ປັດຈຸບັນປິ່ນປົວຢູ່ໂຮງໝໍ 150 ຕຽງ. ຄອບຄົວບໍ່ມີເງິນພຽງພໍທີ່ຈະປິ່ນປົວຮັກສາ ທັງສາມຄົນໃນເວລາດຽວກັນ.

ວອນຜູ້ໃຈບຸນຊ່ວຍເຫລືອແນ່ເດີ 🙏🏻🙏🏻🙏🏻 ໃຜຢາກມາຊ່ວຍເຫລືອດ້ວຍໂຕເອງ ກໍມາໄດ້ ຕິດຕໍ່ຄອບຄົວຂອງ ນາງບົວຈັນ ໄດ້ເລີຍເບີຕິດຕໍ່ 030 9861378 ເລກບັນຊີ: ສີສຸພັນ ໂສພາວັນດີ 098120001409402001 ຂ່າວກ່ອນໜ້ານີ້ ຊຶ້ງນໍ້າໃຈພົນລະເມືອງດີເຂົ້າຊ່ວຍຊີວິດຄົນເຈັບເຊິ່ງເປັນຍິງສອງຄົນ

ພ້ອມເດັກນ້ອຍຊາຍອາຍຸປະມານປີປາຍ ກຳລັງນອນໝົດສະຕິຈາກອຸບັດເຫດລົດຈັກຕຳກັນມື້ວານນີ້ ທີ່ເຂດໄຟແດງໜອງບຶກ-ດົງໂດກ. ຈາກການບອກເລົ່າຂອງທ່ານ ຄຳຫຼ້າ ພອນອີນສານ, ພົນລະເມືອງດີຜູ້ເຂົ້າຊ່ວຍປໍ້າຫົວໃຈຄົນເຈັບຮູ້ວ່າ: ເຫດເກີດປະມານ 4:00 ຫາ 5:00 ໂມງແລງມື້ວານນີ້ ທີ່ເຂດໄຟແດງໜອງບຶກ-ດົງໂດກ, ນະຄອນຫຼວງວຽງຈັນ

ຂະນະທີ່ກຳລັງເດີນທາງກັບຈາກວຽກສ່ວນຕົວ ພໍມາເຖິງຈຸດເກີດເຫດກໍພົບເຫັນຍິງສອງຄົນນອນໝົດສະຕິ ແຕ່ທີ່ໜ້າເສົ້າໃຈກໍແມ່ນເດັກນ້ອຍປະມານໜຶ່ງປີກວ່າຢູ່ໃນອາການດຽວກັນນອນຢູ່ກາງຖະໜົນໂຊກດີທີ່ຫົວໃຈຂອງເດັກຍັງເຕັ້ນຢູ່ ເຊິ່ງມີອີກຄົນກຳລັງຊ່ວຍປໍ້າຫົວໃຈໃຫ້ແມ່ຍິງຄົນໜຶ່ງແຕ່ບໍ່ໄດ້ຜົນ.

ພົນລະເມືອງດີທ່ານນີ້ຈິ່ງຕັດສິນໃຈເຂົ້າໄປຊ່ວຍປໍ້າຫົວໃຈໃຫ້ແມ່ຍິງອີກຄົນທີ່ກຳລັງສະຫຼົບຢູ່ນັ້ນ ຈົນສາມາດຊ່ວຍໃຫ້ຫົວໃຈກັບມາເຕັ້ນຄືເກົ່າ, ຫຼາຍຄົນຢາກຊ່ວຍເອົາເດັກນ້ອຍໄປໂຮງໝໍກ່ອນ ແຕ່ເນື່ອງຈາກແມ່ຂອງເດັກນ້ອຍຍັງບໍ່ຟື້ນ ຈິ່ງບໍ່ສາມາດນຳເດັກໄປໂຮງໝໍໄດ້. “ຂ້າພະເຈົ້າໄດ້ໂທຫາກູ້ໄພ 1624 ປະມານ 20 ນາທີກູ້ໄພກໍມາເຖິງ ພ້ອມຊ່ວຍຄົນເຈັບໄປໂຮງໝໍ

ແຕ່ຍັງບໍ່ຮູ້ວ່າອາການຂອງຄົນເຈັບຕອນນີ້ເປັນແນວໃດ ພຽງແຕ່ພາວັນນາໃຫ້ເຂົາເຈົ້າປອດໄພທຸກຄົນ.” ທ່ານ ຄຳຫຼ້າ ພອນອີນສານ ກ່າວຕໍ່ທີມງານລາວໂພສ. ພົນລະເມືອງດີທ່ານນີ້ກ່າວຕື່ມວ່າ: ຢາກຮຽກຮ້ອງໃຫ້ທຸກຄົນມີສະຕິໃນການຂັບຂີ່ຕາມທ້ອງຖະໜົນ

ໂດຍສະເພາະຄວນສວມຫມວກນີລະໄພທຸກຄັ້ງທີ່ຂັບຂີ່ລົດຈັກເພື່ອຄວາມປອດໄພເບື້ອງຕົ້ນ, ກໍລະນີມີເຫດການບໍ່ຄາດຝັນເກີດຂຶ້ນກໍຢາກຮຽກຮ້ອງໃຫ້ຄົນທີ່ເຫັນເຫດການເຂົ້າຊ່ວຍປະຖົມພະຍາບານຂັ້ນຕົ້ນເທົ່າທີ່ສາມາດເຮັດໄດ້, ບໍ່ຄວນຢ້ານກົວເກີນເຫດ ຫຼື ຮີບຮ້ອນໂທຫາກູ້ໄພກໍໄດ້.

.

.

.

.

.

.

error: ເນື້ອຫາໄດ້ຮັບການປົກປ້ອງ !!