ພົບວັດເກົ່າແກ່ອາຍຸປະມານ 200-300 ກວ່າປີໃນປ່າ

ທ້າຍເດືອນ ພືດສະພາ 2020 ໄດ້ມີການເປີດເຜີຍຮູບພາບວັດເກົ່າແກ່ອາຍຸປະມານ 200-300 ກວ່າປີ ຫາກທ່ານໃດ ຫາກຮູ້ຂໍ້ມູນ ລາຍລະອຽດ ຊ່ວຍກັນໃຫ້ຂໍ້ມູນແດ່ເດີ ເພື່ອເປັນການສຶກສາ ແລະ ຄົ້ນຄວ້າສຳຫຼວດ ເພື່ອປົກປັັກຮັກສາ ບູລະນະ ໄວ້ເປັນມໍລະດົກແກ່ລູຫຼານລາວສືບໄປ. ຍັງບໍ່ທັນຮູ້ຂໍ້ມູນທີ່ຢືນຢັນຊັດເຈນ ວັດນີ້ແມ່ນຊື່ຫຍັງ, ຂື້ນກັບບ້ານໃດ ແລະ ມີປະຫວັດຄວາມເປັນມາແນວໃດ ແລະ ດ້ວຍສາເຫດໃດ ຈັ່ງຖືກປະຖີ້ມເປັນວັດຮ້າງ ບ້ານຮ້າງ ຄືດັ່ງທີ່ເຫັນ.

ຫຼາຍບ່ອນ, ຫຼາຍສະຖານທີ່ຖືກຄົ້ນພົບ ແລະ ມີທັງບ່ອນທີ່ມີ ປະຫວັດ, ຂໍ້ມູນລະອຽດ, ແຕ່ບາງບ່ອນກໍຍັງຄົງບໍ່ທັນຄົ້ນພົບ ຫຼື ວ່າຄົ້ນພົບແລ້ວແຕ່ຍັງບໍ່ທັນຮູ້ປະຫວັດ, ຄວາມເປັນມາ ແລະ ລາຍລະອຽດ ເນື່ອງຈາກວ່າ ແຂວງຈຳປາສັກ ເປັນແຂວງທີ່ກວ່າໃຫຍ່ ແລະ ເປັນດີນແດນທີ່ເຄີຍຈະເລີນຮຸ່ງເຮືອງມາແຕ່ອາດີດ ຜ່ານອະລິຍະທຳຂອມ ບູຮານ.

ແຂວງຈຳປາສັກມີຫຼາຍຢ່າງທີ່ໜ້າສົນໃຈ, ແຫຼ່ງທ່ອງທ່ຽວ, ວິຖີຊີວິດ, ວັດທະນະທຳ, ຮີດຄອງປະເພນີ, ຄວາມເຊື່ອງຕ່າງໆ ສັນນິຖານວ່າເຂດວັດນີ້ ອາດຕັ້ງຢູ່ບ້ານສະໂລ ເມືອງຊະນະສົມບູນ ແຂວງຈຳປາສັກ.(ວັດເກົ່າແກ່ອາຍຸຫຼາຍຮ້ອຍປີກາງປ່າຍ່ອມມີສີ່ງສັກສິດຄຸ້ມຄອງເບີ່ງແຍງຮັກສາຢູ່ຜູ່ທີ່ໄປສະຖານທີ່ແຫ່ງນີ້ຄວນໃຫ້ຄວາມເຄົາລົບຕໍ່ສະຖານທີ່ແຫ່ງນັ້ນ,ບໍ່ຄວນລົບລູ່ແລະເປັນຄວາມເຊື່ອສ່ວນບຸກຄົນກະລຸນນາໃຊ້ວິຈະລະນະຍານໃນການຮັບຊົມ)

error: ເນື້ອຫາໄດ້ຮັບການປົກປ້ອງ !!