ໂຊເຟີລົດແທັກຊີສະຕິແຕກ ທຳຮ້າຍຜູ້ໂດຍສານອາການສາຫັດ ເຫດເພາະຜູ້ໂດຍສານຕົດບໍ່ຍອມຢຸດ

ກາຍເປັນຂ່າວທີ່ຊາວເນັດທົ່ວໂລກໃຫ້ຄວາມສົນໃຈຫຼາຍ ເມື່ອເກີດເຫດການຄົນຂັບລົດແທັກຊີເກົາຫຼີ ຖືກຈັບຍ້ອນສາເຫດພະຍາຍາມທຳຮ້າຍໃຫ້ເສຍຊີວິດ ໃຊ້ມີດຟັນແທງກະໜ່ຳຜູ້ໂດຍສານເຫດຍ້ອນຜູ້ໂດຍສານຕົດບໍ່ເຊົາຊ້ຳບໍ່ໜຳເຕືອນແລ້ວຍັງມາຖຽງ. ເວັບໄຊຕ໌ allkpop ລາຍງານມີລາຍງານເຫດຄວາມຮຸນແຮງທີ່ເກີດຂຶ້ນເມື່ອຄົນຂັບລົດແທັກຊີອາຍຸ 50ປີໃນເມືອງປູຊານ ປະເທດເກົາຫຼີໃຕ້

ຫາກະຖືກຕຳຫຼວດຈັບກຸມຂໍ້ຫາພະຍາຍາມຂ້າຫຼັງຈາກທີ່ລາວໃຊ້ອາວຸດມີດຟັນແລະແທງໃສ່ຜູ້ໂດຍສານອາຍຸ 20ປີ ຈຳນວນ10ບາດແຜ. ເຫດການດັ່ງກ່າວເກີດຂຶ້ນເມື່ອວັນທີ 03ສິງຫາທີ່ຜ່ານມາເຊິ່ງເຈົ້າໜ້າທີ່ຕຳຫຼວດປະຈຳສະຖານີຍອນແຈ ໃນເມືອງປູຊານ ເຜີຍວ່າເຈົ້າໜ້າທີ່ຫາກໍ່ອອກໝາຍຈັບຄົນຂັບແທັກຊີໃນຂໍ້ຫາພະຍາຍາມຂ້າຫຼັງຈາກທີ່ລາວຕົກເປັນຜູ້ຕ້ອງສົງໃສ.

ເຫດການນີ້ເກີດຂື້ນຫຼັງຈາກທ້າວລີ (ນາມສົມມຸດ)ຄົນຂັບແທັກຊີເປີດປ່ອງຢ້ຽມລົດແລະເຕືອນຜູ້ໂດຍສານໃນລະມັດລະວັງເລື່ອງການຕົດ ຫຼັງຈາກທີ່ທ້າວປາຣ໌ດ (ນາມສົມມຸດ)ຜູ້ໂດຍສານມີແຕ່ຜາຍລົມມາຕະຫຼອດທາງບໍ່ຢຸດ ຈົນເຮັດໃຫ້ທ້າວປາຣ໌ດໂມໂຫໃຈຮ້າຍທີ່ຖືກເຕືອນແລະຖຽງກັບຄົນຂັບແທັກຊີ ຈົນກະທັງເຫດວິວາດຈຶ່ງເລີ່ມຂຶ້ນເມື່ອຄົນຂັບແທັກຊີຈັບມີດທີ່ຢູ່ໃນລົດແກວ່ງໃສ່ຊາຍໜຸ່ມ ແລະ ແທງໃສ່ລາວຈົນໄດ້ຮັບບາດເຈັບສາຫັດ

ທາງເຈົ້າໜ້າທີ່ຕຳຫຼວດເຜີຍວ່າຂະນະນີ້ຜູ້ບາດເຈັບກຳລັງຮັກສາຕົວຢູ່ໂຮງໝໍ ໂດຍພົບວ່ານອກຈາກບາດແຜພາຍນອກແລ້ວ ຍັງມີອະໄວຍະວະບາງສ່ວນທີ່ໄດ້ຮັບຄວາມເສຍຫາຍແຕ່ບໍ່ເປັນອັນຕະລາຍຕໍ່ຊີວິດ. ທັງນີ້ທ້າວລີ ໄດ້ຮັບສາລະພາບສິ່ງທີ່ເກີດຂື້ນພ້ອມບອກວ່າ “ຂ້ອຍຄິດວ່າໂຕເອງສູນເສຍຄວາມມີເຫດຜົນໄປຊົ່ວຂະນະ”.

error: ເນື້ອຫາໄດ້ຮັບການປົກປ້ອງ !!