ນ້ອງຊານະ ເບີ 17  ໂພສຂໍໂທດທຸກຄົນທີ່ເຮັດໃຫ້ຕ້ອງຜິດຫວັງ ຍອມຮັບແຕ່ບໍ່ຍອມແພ້ ຂໍສູ້ຕໍ່ໄປ

ກ່ອນອື່ນຫມົດ ນ້ອງຢາກຂໍໂທດອ້າຍນ້ອງທຸກຄົນພາຍໃນທີມ,ຂໍໂທດພໍ່ເເມ່ພີ່ນ້ອງຊາວຫລວງພະບາງທຸກຄົນທີ່ເຮັດໃຫ້ຕ້ອງຜິດຫວັງ

ນ້ອງຂໍຂອບໃຈບັນດາທີມງານສະຕາຟໂຄດ,ອ້າຍນ້ອງນັກກິລາທຸກຄົນທີ່ສູ້ນຳກັນມາຈົນເຖິງຈຸດນີ້ ຂອບໃຈມິດຕະພາບດີໆ ຄວາມສາມັກຄີພາຍໃນທີມ ຂອບໃຈທີ່ໃຫ້ຄວາມເຊື່ອຫມັ້ນເເລະໃຫ້ໂອກາດນ້ອງ
ເເຕ່ໂອກາດທີ່ນ້ອງມີນັ້ນນ້ອງກັບເຮັດມັນໄດ້ບໍ່ດີພໍ ເຮັດໃຫ້ອ້າຍນ້ອງທຸກຄົນຕ້ອງເສຍໃຈ

ຂອບໃຈຄອບຄົວທີ່ຄອຍສະຫນັບສະຫນູນເເລະເປັນເເຮງຜັກດັນໃຫ້ນ້ອງສູ້ຈົນມາເຖິງທຸກມື້ນີ້

ຂອບໃຈບັນດາຫມູ່ເພື່ອນ,ກອງເຊຍທຸກໆທ່ານ ທີ່ໃຫ້ກຳລັງໃຈນ້ອງເເລະເຊຍນ້ອງມາຕະຫລອດ ນ້ອງຮູ້ສຶກອົບອຸ່ນຫລາຍ

ຂອບໃຈຄວາມຜິດພາດໃນເທື່ອນີ້ ເຮັດໃຫ້ນ້ອງໄດ້ເຫັນເຖິງຈຸດອ່ອນຂອງຕົວເອງ ນ້ອງຈະນຳທຸກຄວາມຜິດພາດມາເປັນບົດຮຽນເພື່ອພັດທະນາຕົວເອງ ຊ້ອມໃຫ້ຫນັກກວ່າເກົ່າເພື່ອໃຫ້ເເຂງເເກ່ນຂຶ້ນອີກ

ນ້ອງບໍ່ຄິດບໍ່ຝັນວ່າຊິມາຮອດເຖິງຈຸດນີ້ ຂໍສູ້ຕໍ່..

ຫລວງພະບາງ ພູມໃຈ ຍອມຮັບເເຕ່ບໍ່ຍອມເເພ້ ຂໍໂທດ

error: ເນື້ອຫາໄດ້ຮັບການປົກປ້ອງ !!