ຈຳຄຸກ 35 ປີ ອະດີດປະທານາທິບໍດີເກົາຫຼີໃຕ້ ຖານສໍ້ລາດບັງຫລວງ

ສຳນັກຂ່າວຕ່າງປະເທດລາຍງານ ເມື່ອວັນທີ່ 20 ພຶດສະພາ 2020 ວ່າ ທ່ານນາງປາຣກ ກຶນ-ເຮ ປະທານາທິບໍດີຍິງຄົນແລກຂອງເກົາຫຼີໃຕ້ ຊື່ງຖືກລັດຖະສະພາມີມະຕິຖອດຖອນອອກຈາກຕຳແຫນ່ງໃນເດືອນທັນວາ 2016 ແລະສານລັດຖະທຳມະນູນມີມະຕິຢືນຢັນການຖອດຖອນ ດ້ວຍຄະແນນສຽງ 8-0 ໃນເດືອນມີນາ 2017

ຫລັງຈາກປະຊາຊົນເດີນຂະບວນປະທ້ວງໃຫ່ຍຂັບໄລ່ ຈາກຂໍ້ກ່າວຫາທ່ານ ແລະຫມູ່ສະນິດຮັບເງີນສິນບົນຈາກກຸ່ມທຸລະກິດຂະຫນາດໃຫ່ຍຂອງປະເທດເພື່ອແລກກັບຜົນປະໂຫຍດຈາກລັດຖະບານ

ທ່ານນາງປາຣກ ຖືກດຳເນີນຄະດີຂໍ້ຫາສໍ້ລາດບັງຫລວງ ແລະສານຕັດສິນລົງໂທດຈຳຄຸກ 32 ປີ ໃນຂໍ້ຫາຮັບສິນບົນ ໃຊ້ອຳນາດຫນ້າທີ່ໂດຍບໍ່ຊອບທຳ ລະເມີດກົດຫມາຍເລືອກຕັ້ງ ແລະຮັບເງີນຈາກສຳນັກງານຂ່າວກອງເກົາຫຼີໃຕ້ ແຕ່ສານດີກາມີຄຳສັ່ງໃຫ້ແຍກຂໍ້ຫາຮັບເງີນສິນບົນ ພິຈາລະນາຄະດີໃຫ່ມ

ຊື່ງໃນລະຫວ່າງການຖະແຫຼງປິດຄະດີ ໃນສານແຂວງນະຄອນໂຊລ ເມື່ອວັນພຸດ (20 ພຶດສະພາ) ໄອຍະການສະເຫນີໃຫ້ສານລົງໂທດຈຳຄຸກທ່ານາງປາຣກເປັນເວລາ 35 ປີ ແລະເພີ່ມໂທດປັບໃຫມຈາກ 20,000 ລ້ານວອນ ເປັນ 33,300 ລ້ານວອນ

ການພິຈາລະນາຄະດີນັດສຸດທ້າຍ ກ່ອນມີຄຳພິພາກສາ ເມື່ອວັນພຸດທ່ານນາງປາຣກ ຂວ້ຳບາດບໍ່ໄປສານ ຄືກັບການພິຈາລະນາເກືອບທຸກນັດກ່ອນຫນ້ານີ້ ສານແຂວງນະຄອນໂຊລກຳຫນົດອ່ານຄຳພິພາກສາຄະດີນີ້ ໃນວັນທີ່ 10 ກໍລະກົດ

error: ເນື້ອຫາໄດ້ຮັບການປົກປ້ອງ !!