ລັດຖະບານຈີນ ຈະໃຫ້ເງິນຊາວກະສິກຳ ເພື່ອຢຸດການຄ້າສັດປ່າ

ຕາມ​ຂ່າວ​ຈາກ​ຈີນ, ​ຈີນ ຈະ​ໃຫ້​ບ້ວງເງິນ​ ແກ່ ​ບັນດາ​ ຊາວ​ກະສິກຳ ​ເພື່ອ​ໃຫ້​ຢຸດ​ຕິ ການ​ຄ້າ ຂາຍ​ສັດປ່າ ທ່າມກາງ​ ກະ​ແສ​ກົດ​ດັນ ທີ່​ເພີ່ມ​ຂຶ້ນ​ ໃຫ້​ປາບ​ປາມ ​ການ​ຄ້າ​ ສັດປ່າ ​ແບບ​ຜິດ​ກົດໝາຍ ໂດຍຖືກ ​ລະບຸ​ວ່າ ​ເປັນ​ແຫ​ລ່ງ​ ແຜ່​ລະບາດ​ ເຊື້ອ​ພະຍາດ ​ໂຄ​ວິດ-19. ເຈົ້າໜ້າທີ່ ​ປົກ​ປ້ອງ​ ສິດທິ​ສັດປ່າ ກ່າວ​ວ່າ: ນີ້ຖືເປັນຄັ້ງທຳ​ອິດ ທີ່​ທາງ​ການ​ຈີນ ຮັບປາກ ​ເພື່ອ​ໃຫ້​ ຢຸດ​ຕິ ການ​ຄ້າ​ ສັດປ່າ​ເຫລົ່າ​ນີ້.

ກ່ອນ​ໜ້າ​ນີ້ ຈີນ ສັ່ງ​ຫ້າມ​ ຂາຍ​ສັດປ່າ ​ເພື່ອ​ນຳ​ມາ ​ເປັນ​ອາຫານ ​ໂດຍ​ລະ​ບຸ​ວ່າ ມີ​ຄວາມ​ສ່ຽງສູງ ທີ່​ຈະ​ເຮັດ​ໃຫ້​ ເຊື້ອ​ພະຍາດ​ ແຜ່​ລະບາດ​ສູ່​ຄົນ ​ແຕ່​ຍັງ​ຄົງ​ ອະນຸຍາດ ​ໃຫ້​ມີ​ການ​ຄ້າ ​ເພື່ອ​ວັດຖຸ​ປະສົງ​ອື່ນ ​ເຊັ່ນ ​ການຄົ້ນຄວ້າ​ວິ​ໄຈ ​ແລະ ການ​ນຳ​ມາ​ເປັນ ສ່ວນ​ປະກອບ ​ຂອງ​ຢາ​ພື້ນ​ເມືອງ.

ຂະນະ​ນີ້ ສອງ​ແຂວງ ທາງ​ພາກ​ກາງ ຂອງ​ຈີນ ​ໄດ້​ຈັດຕັ້ງ​ ໂຄງການ ຊ່ວຍ​ເຫລືອ​ ຊາວ​ກະສິກຳ ​ເພື່ອ​ໃຫ້​ຢຸດ​ຕິ ການ​ຄ້າ​ ສັດປ່າ​ແລ້ວ ​ໂດຍ ແຂວງ ຫູ​ໜານ ຊັກ​ຊວນ​ໃຫ້​ ຊາວກະສິກຳ ຫັນ​ໄປ​ລ້ຽງສັດ​ ປະ​ເພດ​ອື່ນໆ ຫລື ປູກ​ພືດ​ອື່ນໆແທນ.

ຂ່າວ:​ ຂປລ

error: ເນື້ອຫາໄດ້ຮັບການປົກປ້ອງ !!