ພຣະພຸດທະຮູບເກົ່າແກ່ກວ່າ 600 ປີ ທີ່ຖໍ້າພຣະ ແຂວງຄໍາມ່ວນ

ພາຍໃນຖໍ້າພຣະ ເຂດບ້ານນາຂ້າງຊ້າງ ແຂວງຄໍາມ່ວນ ຕາມເສັ້ນທາງສາຍເລກທີ 12 ຫ່າງຈາກຕົວເມືອງທ່າແຂກປະມານ 14 km. ພາຍໃນຖໍ້າດັ່ງກ່າວມີພຣະພຸດທະຮູບຈໍານວນຫຼວງຫລາຍເຖິງ 229 ອົງ ແລະ ລ້ວນແຕ່ມີອາຍຸເກົ່າແກ່ກວ່າ 600 ປີ ຢູ່ດ້ານໃນຂອງຖໍ້າມີປາຝາທີ່ສວຍງາມ ອັນເປັນທີ່ມາແຫ່ງ “ຖໍ້າຫນອງປາຝາ”,

ຖໍ້ານີ້ມີລັກສະນະເປັນຖໍ້າສອງຊັ້ນ, ດ້ານເທີງມີພະພຸດທະຮູບຂະໜາດນ້ອຍໃຫຍ່ເກົ່າແກ່ປະດິດສະຖານຢູ່ຕາມພັກຄ້າຍຄືຂັ້ນໄດ, ຖໍ້າດ້ານລຸ່ມ ແມ່ນມີນໍ້າໄຫຼລອດອອກມາຈາກຫນອງປາຝາ ແລະ ທັງສອງຖໍ້າມີຄວາມຍາວປະມານ 200 ແມັດ, ເປັນຖໍ້າທີ່ມີຄວາມງົດງາມຫລາຍ ເຕັມໄປດ້ວຍຫີນງອກຫີນຍ້ອຍ ຫຼາກຫຼາຍຂະໜາດ, ມີຮູບຮ່າງທີ່ແຕກຕ່າງກັນໄປຢັ່ງຢາຍໄປຕາມຖໍ້າ.

ຖ້ຳທັງສອງ ຂັ້ນນີ້ ມີຄວາມຍາວປະມານ 200 ແມັດ ເຊິ່ງເປັນຖ້ຳທີ່ມີຄວາມສວຍງາມ, ເຕັມໄປດ້ວຍຫີນຍ້ອຍຫຼາຍຂະໜາດ ແລະ ຮູບຮ່າງແຕກຕ່າງກັນ ຢັ່ງຢາຍ ກັນຢູ່ເປັນຍ່ານ.

ໃນປີ 2004, ລຸງບຸນນົງ ຊາວບ້ານນາຂ້າງຊ້າງ ເຫັນຝູງເຈຍບິນເຂົ້າ-ບິນອອກຮູຕາມຜາ ທີ່ສູງ 28 ກວ່າແມັດ, ລາວປີນໜ້າຝາຂຶ້ນໄປຈົນພົບ ປາກຖ້ຳ ທີ່ມີຄວາມກ້ວາງ 15 ແມັດ. ລາວໄດ້ພົບເຫັນພະພຸດທະຮູບຈຳນວນຫຼວງຫຼາຍ, ຕໍ່ມາອຳນາດການປົກຄອງ ແລະ ຊາວບ້ານ ຈຶ່ງໄດ້ທຳພິ ທີຄາລະວະ ແລະ ປົກປັກຮັກສາພະພຸດທະຮູບອັນລ້ຳຄ່າເຫຼົ່ານີ້ໄວ້ ໃນສະຖານທີ່ດັ້ງເດີມ.

ພະພຸດທະຮູບເຫຼົ່ານີ້ ແມ່ນມໍລະດົກຕົກທອດມາແຕ່ຍຸກສະ ໄໝ ຂອງອານາຈັກສີໂຄດຕະບອງ ແລະ ລ້ານຊ້າງ.​

.

error: ເນື້ອຫາໄດ້ຮັບການປົກປ້ອງ !!