ມີຜູ້ເສຍຊີວິດ 100ກວ່າຄົນ ຈາກການດື່ມເຫລົ້າເຖື່ອນໃນເມັກຊິກ

ຕາມສຳນັກຂ່າວ ເອເອຟພີ, ​ໃນ​ໄລຍະ 2 ອາທິດ​ ຜ່ານ​ມາ ມີ​ຜູ້​ເສຍ ​ຊີວິດ 100 ກວ່າ​ຄົນ ຈາກ​ການ​ ດື່ມ​ເຫລົ້າ​ເຖື່ອນ ຫລັງ​ຈາກ ​ເກີດ​ບັນຫາ​ ເຫລົ້າ​ເບຍ ຂາດຕະຫລາດ ​ເນື່ອງ​ຈາກ​ ໂຮງງານ ຕ້ອງ​ຢຸດ​ ການ​ຜະລິດ ຕາມ​ມາດ​ຕະການ​ ຄວບ​ຄຸມ ການ​ແຜ່​ ລະບາດ ​ເຊື້ອ​ພະຍາດ ​ໂຄ​ວິດ-19 ຂອງ​ລັດຖະບານ. ຈາກ​ການ ກວດ​ສອບ​ພົບ ​ວ່າ ​ເຄື່ອງ​ດື່ມ ​ທີ່​ມີ​ ທາດ​ເຫລົ້າ ບາງ​ສ່ວນ ​ມີ​ການ​ໃຊ້ ​ເມທາ​ນນໍລ (Methanol) ​ເປັນ​ສ່ວນ​ປະສົມ ໃນຂະນະ​ທີ່ ທາງ​ການ​ ທ້ອງ​ຖິ່ນ ພວມ​ສືບສວນ ຫາ​ຜູ້​ຜະລິດ ພ້ອມ​ທັງ​ ມີ​ຄຳ​ເຕືອນ ປະຊາຊົນ ​ໃຫ້​ຫລີກ​ລ້ຽງ ການ​ບໍລິ​ໂພ​ກ ​ເຄື່ອງ​ດື່ມ ທີ່​ມີ​ ທາດ​ເຫລົ້າ ເຊິ່ງບໍ່​ຮູ້​​ແຫ​ລ່ງຜະລິດ​ທີ່​ແນ່ນ​ອນ ​ແລະ ສາມາດ​ກວດ​ຢຶດ ​ເຄື່ອງ​ດື່ມ​ ທີ່​ມີ​ ທາດ​ເຫລົ້າ​​ເຖື່ອນ ​ໄດ້ 200 ລິດ. ປັດຈຸບັນ ພວມ​ຢູ່​ໃນ​ ລະຫວ່າງ ການກວດ​ພິສູດ​ ສ່ວນ​ປະສົມ​ ຢ່າງ​ລະອຽດ ​ເພື່ອ​ດຳ​ເນີນ​ຄະດີ​ ຕາມ​ກົດໝາຍ.

ຂ່າວ: ຂປລ

error: ເນື້ອຫາໄດ້ຮັບການປົກປ້ອງ !!